కొత్త జంట‌కు మెగాశీస్సులు.. అల్లు ఇంట పెళ్లి సంద‌డి!

గీతా ఆర్ట్స్ అధినేత అల్లు అర‌వింద్ మ‌న‌వ‌డి వివాహం జ‌రిగింది. ఆయ‌న పెద్ద కుమారుడు అల్లు బాబి వార‌సుడు రామ‌కృష్ణ తేజ వివాహం సాయి సంజ‌న‌తో వైభ‌వంగా జ‌రిగింది. ఈ వివాహానికి విచ్చేసిన మెగాస్టార్ చిరంజీవి న‌వ‌వ‌ధూవ‌రుల‌ను ఆశీర్వ‌దించారు. పెళ్లి వేడుక‌లో ఐకాన్ స్టార్ అల్లు అర్జున్, అల్లు శిరీష్ స‌హా ప‌లువురు సెల‌బ్రిటీలు క‌నిపించారు. అల్లు అర్జున్ - స్నేహా రెడ్డి జంట ఈ పెళ్లిలో ప్ర‌త్యేక ఆక‌ర్ష‌ణగా మారారు.

ప్ర‌స్తుతం బాబి వార‌సుడి పెళ్లి ఫోటోలు అంత‌ర్జాలంలో వైరల్ గా మారాయి. అల్లు బాబి గీతా ఆర్ట్స్ డిస్ట్రిబ్యూష‌న్ వింగ్ బాధ్య‌త‌ల‌ను చూస్తున్నారు. నిర్మాత‌గాను అనుభ‌వం ఘ‌డించారు. బాబి న‌టుడిగాను రాణించేందుకు ప్ర‌య‌త్నిస్తున్నార‌ని క‌థ‌నాలొచ్చాయి. ఇప్పుడు ఆయ‌న వార‌సుడి వివాహంతో కుటుంబం ఆనందోత్సాహంలో ఉంది.

బాబి సోద‌రుడైన బ‌న్ని ప్ర‌స్తుతం భార‌త‌దేశంలోని అత్యంత క్రేజీ హీరోల్లో ఒక‌రిగా వెలుగొందుతున్నారు. అత‌డు న‌టించిన పాన్ ఇండియ‌న్ చిత్రం `పుష్ప 2` ప్రీరిలీజ్ బిజినెస్ గురించి ఆస‌క్తిక‌ర చ‌ర్చ సాగుతోంది. అల్లు అర్జున్ త‌న కెరీర్ బెస్ట్ హిట్ ఇస్తాడ‌ని అభిమానులు ఆస‌క్తిగా వేచి చూస్తున్నారు. `పుష్ప 2` డిసెంబ‌ర్ 5న‌ రిలీజ్ కానుంది. త్వ‌ర‌లోనే ట్రైల‌ర్ విడుద‌ల‌కు సిద్ధ‌మ‌వుతోంది.