అల్లు అర్జున్‌ తర్వాతి సినిమాపై మళ్లీ డౌట్స్‌..!

ఐకాన్‌ స్టార్‌ అల్లు అర్జున్‌ ప్రస్తుతం సుకుమార్‌ దర్శకత్వంలో పుష్ప 2 సినిమాను చేస్తున్న విషయం తెల్సిందే. పుష్ప భారీ విజయాన్ని సొంతం చేసుకోవడంతో పాటు, పాన్‌ ఇండియా స్థాయిలో మంచి విజయాన్ని సొంతం చేసుకుంది. అందుకే పుష్ప 2 ను అంతకు మించి అన్నట్లు రూపొందించే పనిలో దర్శకుడు సుకుమార్‌ ఉన్నాడు. ఏడాది పాటు ప్రీ ప్రొడక్షన్‌ వర్క్ చేసిన సుకుమార్‌, దాదాపు రెండేళ్ల సమయంను మేకింగ్‌ కు తీసుకుంటున్నాడు. టాలీవుడ్‌ వర్గాల నుంచి అందుతున్న సమాచారం ప్రకారం పుష్ప 2 సినిమా షూటింగ్‌ చివరి దశకు చేరుకుంది. ఈ నెల లో లేదా వచ్చే నెలలో సినిమా షూటింగ్‌ పూర్తి అయ్యే అవకాశాలు ఉన్నాయి.

పుష్ప 2 తర్వాత అల్లు అర్జున్‌ చేయబోతున్న సినిమా గురించి చాలా రోజులుగా పుకార్లు షికార్లు చేస్తున్నాయి. అల్లు అర్జున్‌ తో తమిళ స్టార్‌ దర్శకుడు అట్లీ సినిమా ఉంటుందనే వార్తలు చాలా రోజులుగా వస్తున్నాయి. కానీ వీరి కాంబో కి సంబంధించిన ఎలాంటి అప్డేట్‌ అఫిషియల్ గా రాలేదు. పుష్ప 2 తర్వాత అట్లీ దర్శకత్వంలోనే అల్లు అర్జున్‌ సినిమా ఉంటుందని అంతా భావిస్తున్నారు. కానీ అట్లీ మాత్రం బాలీవుడ్‌ వైపు చూస్తున్నట్లుగా తమిళ మీడియాలో కథనాలు వస్తున్నాయి. బాలీవుడ్‌ లో అట్లీ చేసిన జవాన్ సినిమా సూపర్‌ హిట్‌ అవ్వడంతో ప్రస్తుతం ఆయన దర్శకత్వంలో సినిమాలు చేయడానికి హిందీ హీరోలు ఆసక్తి చూపిస్తున్నారు.

అల్లు అర్జున్‌ తో అట్లీ చేయబోతున్న పాన్‌ ఇండియా మూవీ కోసం ఫ్యాన్స్‌ చాలా ఆసక్తిగా ఎదురు చూస్తూ ఉంటే, అట్లీ మాత్రం తన తదుపరి సినిమాను బాలీవుడ్‌ సూపర్‌ స్టార్‌ సల్మాన్‌ ఖాన్‌ తో చేసేందుకు రెడీ అవుతున్నాడనే వార్తలు వస్తున్నాయి. ఇప్పటికే సల్మాన్ ఖాన్ తో చర్చలు జరిపాడని తెలుస్తోంది. అట్లీ చెప్పిన స్టోరీ లైన్‌ కి సల్మాన్‌ నుంచి గ్రీన్ సిగ్నల్‌ వచ్చింది. అయితే సల్మాన్‌ మాత్రమే కాకుండా ఈ కథ లో మరో హీరో కూడా ఉంటాడట. ఆ పాత్ర కోసం యూనివర్శిల్‌ స్టార్‌ కమల్‌ హాసన్ తో చర్చలు జరుపుతున్నారని తెలుస్తోంది. పాత్రకు ప్రాముఖ్యత ఉంటే చిన్న పాత్ర లో అయినా నటించేందుకు కమల్‌ గ్రీన్‌ సిగ్నల్‌ ఇస్తున్నాడు. కనుక సల్మాన్‌ తో కలిసి నటించే అవకాశాలు లేకపోలేదు.

సల్మాన్‌ ఖాన్‌ తో సినిమా ను మొదలు పెట్టి పూర్తి చేయడానికి కనీసం రెండు ఏళ్ల సమయం పట్టే అవకాశాలు ఉన్నాయి. ఈ లోపు అల్లు అర్జున్‌ మరో సినిమా మొదలు పెట్టే అవకాశాలు ఉన్నాయి. అట్లీ తో కాకుంటే బన్నీ తన తదుపరి సినిమాను త్రివిక్రమ్‌ దర్శకత్వంలో చేసే అవకాశాలు ఉన్నాయని కూడా ఇండస్ట్రీ వర్గాల్లో ప్రచారం జరుగుతోంది. మొత్తానికి అల్లు అర్జున్‌ తదుపరి సినిమా పై ఆసక్తికర చర్చ జరుగుతోంది. ఇంతకు అల్లు అర్జున్‌ తదుపరి సినిమా ఏంటి అనేది తెలియాలి అంటే పుష్ప 2 విడుదల అయ్యే వరకు వెయిట్‌ చేయాల్సిందే. వచ్చే ఏడాది సమ్మర్‌ కి బన్నీ కొత్త సినిమా ప్రారంభం అయ్యే అవకాశాలు ఉన్నాయి.