అట్లీ.. బన్నీ కండిషన్ ఏమిటంటే

పుష్ప సినిమా గ్రాండ్ సక్సెస్​తో ఐకాన్ స్టార్​ అల్లు అర్జున్​ స్టార్​ డమ్​ పాన్​ ఇండియా లెవల్​లో పెరిగిపోయిన సంగతి తెలిసిందే. నెక్స్ట్స్​ ఆయన ఎవరితో సినిమా చేస్తారన్న ఆసక్తి ఇండియా వైడ్​గా ఉన్న సినీ ప్రియులు, అభిమానుల్లో విపరీతంగా పెరిగిపోయింది. సౌత్​ టు నార్త్​ టాప్ ఇండియన్ దర్శకనిర్మాతలు కూడా బన్నీతో సినిమా చేసేందుకు క్యూ కడుతన్నారు. తాజాగా దర్శకుడు అట్లీ కూడా కలిసి ఓ కథ చెప్పారు. మరి అట్లీ.. బన్నీని ఇంప్రెస్​ చేయగలిగాడా అనేది ప్రస్తుతం ఆసక్తికరంగా మారింది.

వివరాళ్లోకి వెళితే.. పుష్ప తర్వాత దర్శకులు కొరటల శివ, వేణు శ్రీరామ్​ బన్నీని కలిశారు. తమ కథలకు సంబంధించి సింగిల్ లైన్ స్టోరీ చెప్పి అల్లు అర్జున్​ను ఇంప్రెస్​ కూడా చేశారు. కానీ బౌండెడ్​ స్క్రిప్ట్​తో చేయలేకపోయారు. పైగా అప్పటికే కొరటాల ఆచార్యతో భారీ డిజాస్టర్​ను అందుకోవడం, వేణు శ్రీరామ్ చేసిన వకీల్ సాబ్.. బన్నీ డెసిషన్​ను మార్చేశాయి.

ఆ తర్వాత చాలా మందే దర్శకులు తమ కథలతో ఐకాన్ స్టార్​ను ఇంప్రెస్​ చేయడానికి ప్రయత్నించారు. మాస్​ డైరెక్టర్​ బోయపాటి శ్రీను, సురేందర్ రెడ్డి, యాక్షన్​ డైరెక్టర్​ రోహిత్ శెట్టి, మురగదాస్​, లింగుస్వామి, పుష్కర్​ అండ్ గాయత్రి, జైలర్ ఫేమ్​ నెల్సన్​ కుమార్​ ఇంకా పలువురు దర్శకుడు కూడా బన్నీని కలిశారు. కానీ ఎవరు కూడా బన్నీ పెట్టిన ఎగ్జామ్​లో పాస్​ కాలేకపోయారు.

ప్రస్తుతం జవాన్​తో సూపర్ హిట్​ అందుకున్న దర్శకుడు అట్లీ పేరు గట్టిగా వినిపిస్తోంది. వీరిద్దరు ఇప్పటికే కలిసి కథపై చర్చలు కూడా జరిపారు. తాజాగా ముంబయిలో కూడా కలిశారు. దాదాపు సినిమా ఖరారైపోయిందని అంటున్నారు. అఫీషియల్​ అనౌన్స్​మెంట్​ త్వరలోనే వస్తుందని చెబుతున్నారు. అయినప్పటికీ అట్లీకి మరో పరీక్ష ఉంది. అతడు.. అల్లు అర్జున్​ను తన బౌండెడ్​ స్క్రిప్ట్​తో మెప్పించగలగాలి. లేదంటే అల్లు అర్జున్​.. సినిమా అఫీషియల్​గా అనౌన్స్​ చేసినా.. సినిమాను పక్కన పెట్టడానికి వెనకాడడని అర్థమవుతోంది.

ఎందుకంటే పుష్ప సక్సెస్​ తర్వాత బన్నీపై బాధ్యత మరింత పెరిగింది. పాన్ ఇండియా ప్రేక్షకులను మెప్పించేలా కథలను ఎంచుకోని సినిమాలు చేయాలి. కాబట్టి బన్నీ.. తన స్టార్​ డమ్​ను దృష్టిలో పెట్టుకుని.. కథలను ఎంచుకునే పనిలో ఉన్నారు. అందుకే చాలా జాగ్రత్తగా వ్యవహరిస్తున్నారు. చూడాలి మరి అట్లీ.. అల్లు అర్జున్​ టెస్ట్​ను పాస్ అవుతారో లేదో..