మామ కోసం అల్లు అర్జున్ పాలిటిక్స్.. అయ్యే పనేనా?

ఐకాన్ స్టార్ అల్లు అర్జున్ గురించి స్పెషల్ గా చెప్పాల్సిన పనిలేదు. ఆయనకు విపరీతమైన ఫ్యాన్ ఫాలోయింగ్ ఉంది. పుష్ప మూవీతో ఆ ఫ్యాన్ డమ్ దేశ వ్యాప్తంగా పాకింది. కాగా, అల్లు అర్జున్ స్నేహా రెడ్డిని ప్రేమించి పెళ్లి చేసుకున్న విషయం కూడా తెలిసిందే. వీరి పెళ్లి జరిగి పదేళ్లకు పైగానే అవుతోంది.

అయితే, ఇంతకాలం లో ఎప్పుడూ జరగని పని ని అల్లు అర్జున్ చేయబోతున్నారంటూ ప్రచారం జరుగుతోంది. అదేంటో తెలుసా? అల్లు అర్జున్ తొలిసారి తన మామ కోసం ఎన్నికల ప్రచారం లో పాల్గొంటారని తెలుస్తోంది. స్నేహారెడ్డి తండ్రి చంద్రశేఖర్ రెడ్డి బీఆర్ఎస్ పార్టీలో చాలా కాలంగా కీలక వ్యక్తిగా ఉన్నారు.

అయితే, వచ్చే ఎన్నికల్లో చంద్రశేఖర్ రెడ్డి పోటీ చేయాలని అనుకుంటున్నారట. ఎమ్మెల్యే టికెట్ వస్తుందని ఆయన భావిస్తున్నారట. నాగార్జున సాగర్ నియోజకవర్గం నుంచి పోటీచేసే అవకాశం ఉందని ప్రచారం జరుగుతోంది. ఈ క్రమంలో, ఆయనకు కనుక ఎమ్మెల్యే టికెట్ వస్తే, ఎన్నికల ప్రచారం నిర్వహించక తప్పదు.

కాగా, తన మామకు మద్దతుగా అల్లు అర్జున్ ఎన్నికల ప్రచారం చేసే అవకాశం ఉందని తెలుస్తోంది. గతం లో చిరంజీవి ప్రజారాజ్యం పార్టీ పెట్టినప్పుడు ఎప్పుడో అల్లు అర్జున్ ఎన్నికల ప్రచారంలో పాల్గొన్నట్లు గుర్తు. ఆ తర్వాత ఎప్పుడూ ఆయన ఎన్నికల జోలికి పోలేదు. పవన్ కి సపోర్ట్ గా కూడా ఉన్నాడు కానీ ఎప్పుడూ హడావుడిగా మాట్లాడింది లేదు. మరి, ఈ అల్లు హీరో, తన మామ కోసం నిజంగా ప్రచారం చేస్తారో లేదో చూడాలి. ఇది ప్రస్తుతానికి ప్రచారం మాత్రమే, నిజం తెలియాల్సి ఉంది.

ఇదిలా ఉండగా, ప్రస్తుతం అల్లు అర్జున్ పుష్ప సినిమా సీక్వెన్స్ లో బిజీ గా ఉన్నాడు. ఈ మూవీ షూటింగ్ శరవేగంగా జరుగుతోంది. సుకుమార్ దర్శకత్వంలో తెరకెక్కిస్తున్నారు. త్వరలోనే ప్రేక్షకుల ముందుకు రానుంది. కాగా, ఈ మూవీ తర్వాత బన్నీ బాలీవుడ్ లో కూడా నటించే అవకాశం ఉందని తెలుస్తోంది.