పుష్ప 2 లో అంతకు మించి చాలా...!
అల్లు అర్జున్ పుష్ప 2 లో చూపించే మ్యానరిజం తో పాటు బాడీ లాంగ్వేజ్ కొన్ని డైలాగ్స్ ఇలా ప్రతి ఒక్కటి కూడా భారీ స్థాయిలో హైప్ ను క్రియేట్‌ చేస్తున్నాయి.
By: Tupaki Desk | 14 May 2024 9:40 AM GMT
అల్లు అర్జున్ హీరోగా సుకుమార్‌ దర్శకత్వంలో రూపొందతున్న పుష్ప 2 పై అంచనాలు భారీగా ఉన్నాయి. అంచనాలకు ఏమాత్రం తగ్గకుండా సుకుమార్‌ ఈ సినిమాను దాదాపు ఏడాది పాటు ప్రీ ప్రొడక్షన్ వర్క్ నిర్వహించి ఇప్పుడు షూటింగ్ చేస్తున్నాడు. ప్రస్తుతం సినిమా షూటింగ్ చివరి దశకు చేరుకుంది.
ఆగస్టు లో సినిమాను విడుదల చేయబోతున్నట్లు అధికారికంగా ప్రకటన వచ్చింది. జూన్ లేదా జులై వరకు ఫస్ట్‌ కాపీ ని రెడీ చేసే విధంగా దర్శకుడు సుకుమార్‌ ప్లాన్‌ చేస్తున్నాడు. పుష్ప 1 సినిమా పాన్ ఇండియా రేంజ్ లో భారీ విజయాన్ని సొంతం చేసుకున్న విషయం తెల్సిందే.
పుష్ప 2 సినిమా అంతకు మించి ఉండబోతుంది అంటూ ప్రతి ఒక్కరు కూడా చాలా నమ్మకంగా చెబుతున్నారు. ఇటీవల విడుదల అయిన టీజర్ లో బన్నీ అస్సలు తగ్గేదేలే అంటూ చెప్పిన డైలాగ్ సినిమాలో కచ్చితంగా అంతకు మించి వినోదాల విందు ఉండబోతుంది అంటూ నమ్మకంగా కలిగిస్తుంది.
అల్లు అర్జున్ పుష్ప 2 లో చూపించే మ్యానరిజం తో పాటు బాడీ లాంగ్వేజ్ కొన్ని డైలాగ్స్ ఇలా ప్రతి ఒక్కటి కూడా భారీ స్థాయిలో హైప్ ను క్రియేట్‌ చేస్తున్నాయి. విడుదలకు ముందే ఒక్కొక్కటి చొప్పున ఓ రేంజ్ లో సినిమా హైప్ ను పెంచే విధంగా రివీల్‌ చేయబోతున్నట్లుగా తెలుస్తోంది.
పుష్ప 2 టైటిల్‌ సాంగ్ కు మంచి స్పందన వచ్చింది. అందులోని ఐకానిక్ స్టెప్‌ కు మంచి రెస్పాన్స్ వచ్చింది. కనుక ముందు ముందు కూడా పాటలు మరియు టీజర్, ట్రైలర్ తో సినిమా స్థాయి అమాంతం పెరిగే అవకాశాలు ఉన్నాయి.
రష్మిక మందన్న హీరోయిన్ గా నటిస్తున్న ఈ సినిమాలో బాలీవుడ్‌ స్టార్‌ హీరోయిన్ ఐటెం సాంగ్ చేయబోతున్నట్లుగా తెలుస్తోంది. ఫహద్‌ ఫాసిల్‌, అనసూయ భరద్వాజ్, సునీల్‌, రావు రమేష్‌ ఇంకా తదితరులు ఈ సినిమాలో కనిపించబోతున్నారు.
