500 మ‌ధ్య బన్నీ మాస్ జాతర పీక్స్ లోనే!
అందులో బాలీవుడ్కొ రియోగ్రఫర్ గణేష్ ఆచార్య కొరియో గ్రఫరీలో జాతర గెటప్స్‌తో దాదాపు 400 మంది జూనియర్లు.. 100 మంది పైగా డాన్సర్లతో ఓ పాట షూట్ చేసారు.
By: Tupaki Desk | 12 Jan 2024 11:30 AM GMT
టాలీవుడ్ బెస్ట్ డాన్స‌ర్స్ లిస్ట్ లో బన్నీ పేరు ఎక్క‌డ ఉంటుందో చెప్పాల్సిన ప‌నిలేదు. ఐకాన్ స్టార్ స్టెప్ అందుకుంటే? అభిమానుల్లో పూన‌కాలే. అందులోనూ మాస్ట్ బీట్స్ స్టెప్స్ వేయ‌డంలో బన్నీ మార్క్ త‌ప్ప‌నిస‌రి. కానీ కొంత కాలంగా బన్నీ డాన్సులో మార్పులొచ్చిన మాట వాస్త‌వం. ఐకాన్ స్టార్ స్టైలిష్ స్టెప్పుల‌తో అల‌రిస్తున్నారు త‌ప్ప! మాస్ స్టెప్స్ మిస్ అవుతున్నాయ‌నే భావ‌న అభిమానుల్లో ఉంది.
చూడ‌టానికి పాట మాస్ గా ఉన్నా! అందులో బన్నీ మార్క్ మాస్ అప్పిరియ‌న్స్ మిస్ అవుతుంద‌నే విమ‌ర్శ ఉంది. ఆయా పాట‌ల్లో స్టెప్స్ ఎంతో స్టైలిష్ గా హైలైట్ అవుతున్నాయి. కానీ ఊర మాస్ స్టెప్ ఎక్క‌డైనా ఉందా? అంటే లేదనే అంటున్నారు. దువ్వాడ జ‌గ‌న్నాధ‌మ్ నుంచి అది మిస్ అవుతుంద‌ని..కొరియోగ్రాఫ‌ర్స్ బ‌న్నీని మాస్ కి దూరం చేస్తున్నారా? అన్న సందేహం సైతం వ‌చ్చేస్తుంది.
డాన్సుల ప‌రంగా మార్పులు చోటు చేసుకుంటున్నా మాస్ లోకి వెళ్లాలంటే స్టెప్పులు కూడా అంతే ఊర మాస్ గా ఉండాలి. అయితే పుష్ప-2 లో అన్ని లెక్క‌లు స‌రి చేసే దిశ‌గానే బన్నీ అండ్ కో ప్లాన్ చేసిన‌ట్లు తెలుస్తోంది. 'పుష్ప 2' లో డాన్సులపై బన్నీ ప్ర‌త్యేకంగా దృష్టి పెట్టిన‌ట్లు వినిపిస్తుంది. ఇటీవ‌లే ఓ షెడ్యూల్ పూర్తి చేసిన సంగ‌తి తెలిసిందే. అందులో బాలీవుడ్కొ రియోగ్రఫర్ గణేష్ ఆచార్య కొరియో గ్రఫరీలో జాతర గెటప్స్‌తో దాదాపు 400 మంది జూనియర్లు.. 100 మంది పైగా డాన్సర్లతో ఓ పాట షూట్ చేసారు.
ఈ పాట‌లో బన్నీ ఊర మాస్ స్టెప్పులు ఓ రేంజ్ లో ఉన్నాయ‌ని చిత్ర వ‌ర్గాల నుంచి లీకులందు తున్నా యి. బన్నీ ఎన‌ర్జీని మ్యాచ్ చేస్తూ ఈ పాట‌ని ఆచార్య కంపోజ్ చేసిన‌ట్లు తెలుస్తోంది. జాతర పాట‌లో బన్నీ ఊర మాస్ జాతర క‌నిపిస్తుంద‌ని అంటున్నారు. మాస్ అభిమానుల్ని ఆ పాట ప్ర‌త్యేకంగా అల‌రి స్తుంద‌ని ...సిటీ కొట్టించేలా ఆ పాట కంపోజ్ చేసిన‌ట్లు..బన్నీ ఎన‌ర్జీని అంత‌కంత‌కు రెట్టింపు చేసేలా పాట ఉంటుం ద‌ని అంటున్నారు.
