పుష్ప 2.. ఏంటి ఇది నిజమేనా..?

పుష్ప 1 ది రైజ్ తో పాన్ ఇండియా లెవెల్ లో సెన్సేషన్స్ క్రియేట్ చేశారు అల్లు అర్జున్ సుకుమార్. ఆర్యతో మొదలైన ఈ కాంబో ఎప్పుడు సినిమా చేసినా ఆడియన్స్ ని నిరాశపరచరు. ఇద్దరు ఒకే సింక్ లో ఉంటారు.. ఒకేలా ఆలోచిస్తారు కాబట్టే వీరి కాంబినేషన్ లో వచ్చిన సినిమాలు సూపర్ హిట్స్ గా నిలుస్తాయి. పుష్ప 1 తో నేషనల్ లెవెల్ లో అల్లు అర్జున్ స్టామినా చూపించేలా సినిమా ఫలితం వచ్చింది. ముందు సౌత్ వరకే రిలీజ్ అనుకున్న పుష్ప పార్ట్ 1 క్యాజువల్ గానే పాన్ ఇండియా రిలీజ్ చేశారు.

పుష్ప రాజ్ నటన బీ టౌన్ ఆడియన్స్ లో పూనకాలు తెప్పించింది. దేవి మ్యూజిక్, సుకుమార్ టేకింగ్, బన్నీ యాక్టింగ్ ఇవన్నీ పుష్ప 1 ని బ్లాక్ బస్టర్ బొమ్మగా నిలబెట్టాయి. ఇక ఇప్పుడు ఆ సినిమా సెకండ్ పార్ట్ కోసం ఆడియన్స్ అంతా కూడా ఎంతో ఉత్సాహంతో ఎదురుచూస్తున్నారు. పుష్ప 2 సినిమా విషయంలో సుకుమార్ చాలా జాగ్రత్త వహిస్తున్నాడు. అయితే ఎప్పుడో మొదలైన పుష్ప 2 ఇంకా 40 శాతం మాత్రమే షూటింగ్ పూర్తి చేసుకుందని తెలిసి ఆడియన్స్ షాక్ అవుతున్నారు. సినిమాకు మధ్యలో కొన్ని అవాంతరాలు రాగా ఎలాగోలా వాటిని దాటుకుని సెట్స్ మీదకు వెళ్లింది.

పుష్ప 2 కూడా ఎక్కువ శాతం ఫారెస్ట్ లో చేయడం కోసం చిత్ర యూనిట్ కొంత ఇబ్బంది పడుతుంది. ఇదిలా ఉంటే అల్లు అర్జున్ కూడా సుకుమార్ ని తొందరపెడుతున్నట్టు తెలుస్తుంది. పుష్ప 1 కి వచ్చిన రెస్పాన్స్ చూసి మొదట్లో పర్లేదు ఎంత టైం తీసుకున్నా వెయిట్ చేస్తానని చెప్పిన అల్లు అర్జున్ ఇప్పుడు అనుకున్న టైం కి లేట్ అవుతున్న కారణంగా సుక్కుని స్పీడ్ పెంచమని అంటున్నాడట. అసలైతే ఈ ఇయర్ డిసెంబర్ లో పుష్ప 2 రిలీజ్ ఉండాల్సి ఉంది. కానీ అప్పటికల్లా పూర్తి చేయడం కష్టమని 2024 సమ్మర్ కి రిలీజ్ అనుకుంటున్నారు.

జనవరి వరకు షూటింగ్ పూర్తి చేసి ఆ తర్వాత రెండు నెలల్లో సినిమా రిలీజ్ ప్లాన్ చేస్తున్నట్టు టాక్. పుష్ప 2 సినిమాను కూడా థర్డ్ పార్ట్ కి ఛాన్స్ ఉండేలానే ఎండ్ చేస్తారట. KGF 1, 2 రూట్ లోనే పుష్ప 2 కూడా పుష్ప 3 కి అవకాశం ఉండేలా క్లైమాక్స్ ప్లాన్ చేస్తున్నారట. KGF 2 తర్వాత KGF 3 ప్లానింగ్ లో ఉన్న విషయం తెలిసిందే. పుష్ప 2 తర్వాత సుకుమార్ అల్లు అర్జున్ చెరో సినిమా చేసి వచ్చాక పుష్ప 3 చేస్తారని తెలుస్తుంది.