పుష్ప 2 చివర్లో ఫ్యూజులు ఔటయ్యే ట్విస్ట్..!

సుకుమార్ అల్లు అర్జున్ కాంబో సినిమా అనగానే ఆడియన్స్ లో ఎక్కడలేని క్రేజ్ ఉంటుంది. ఆర్య నుంచి పుష్ప 1 వరకు వీరిద్దరు ఎప్పుడు ఆడియన్స్ ని డిజప్పాయింట్ చేయలేదు. పుష్ప 1 అయితే పాన్ ఇండియా లెవెల్ లో ప్రభంజనం సృష్టించింది. పుష్ప రాజ్ చేసిన బాక్సాఫీస్ రచ్చ అంతా ఇంతా కాదు. సరదాగా హిందీ వెర్షన్ రిలీజ్ చేయగా పుష్ప రాజ్ మాస్ యాటిట్యూడ్ బీ టౌన్ ఆడియన్స్ కి బాగా ఎక్కేసింది.

ఇక ప్రస్తుతం పుష్ప 2 సెట్స్ మీద ఉండగా ఈ సినిమాను కూడా ఎక్కడ కాంప్రమైజ్ కాకుండా తెరకెక్కిస్తున్నారు. పుష్ప 1 కాదు పుష్ప 2 లో అదిరిపోయే కంటెంట్ ఉంటుందని అంటున్నారు. పుష్ప 2 విషయంలో సుక్కు ప్లానింగ్ నెక్స్ట్ లెవెల్ లో ఉంటుందని తెలుస్తుంది. పార్ట్ 2 లో ప్రేక్షకుల అంచనాలను మించి సర్ ప్రైజ్ లు ఉంటాయని అంటున్నారు. పుష్ప 2 చివర్లో ఫ్యూజులు ఎగిరిపోయే అప్డేట్ ఉంటుందని టాక్.

పుష్ప 2 తోనే కథ ముగించాలని సుకుమార్ అనుకున్నా సినిమాకు మరో భాగం పుష్ప 3 కూడా చేసే ఆలోచనలో ఉన్నారట. పుష్ప రాజ్ కథను పుష్ప 2 తో ఎండ్ చేసినా పుష్ప 3 మరో కొత్త కథను చెబుతాడని తెలుస్తుంది. పుష్ప 2 లో పుష్ప రాజ్ మేనియా వేరే లెవెల్ లో ఉంటుందని తెలుస్తుంది. పుష్ప 1 రికార్డులు సృష్టించగా దాన్ని కొనసాగించేలా పుష్ప 2 మరింత భారీగా ఉండబోతుందని అంటున్నారు.

పుష్ప 1, 2 ఈ రెండు పార్ట్ లతో నేషనల్ వైడ్ గా స్టార్ క్రేజ్ తెచ్చుకోవాలని చూస్తున్నడు అల్లు అర్జున్. సినిమాలో రష్మిక హీరోయిన్ గా నటిస్తుండగా పుష్ప 2 కోసం మరో హీరోయిన్ కూడా ఉంటుందని తెలుస్తుంది. పుష్ప 2 ఆగష్టు 15న రిలీజ్ లాక్ చేయగా పుష్ప 3 ప్లానింగ్ ఉన్నా దానికి రెండేళ్లు గ్యాప్ తీసుకుంటారని తెలుస్తుంది. పుష్ప 2 తర్వాత సుకుమార్ మరో మెగా మూవీ ప్లానింగ్ లో ఉన్నాడు. మరోసారి చరణ్ తో రంగస్థలం కాంబో రిపీట్ చేసే ఆలోచనలో ఉన్నట్టు తెలుస్తుంది. పుష్ప తర్వాత రాం చరణ్, ప్రభాస్ ఇలా సుకుమార్ సినిమాల ప్లానింగ్ ఉందని తెలుస్తుంది. విజయ్ దేవరకొండతో కూడా సుకుమార్ సినిమా ఉంటుందని అనౌన్స్ మెంట్ వచ్చినా అది ఎప్పుడు కుదురుతుందో చూడాలి.