శివ కార్తికేయన్ అమరన్.. మొదటి రోజే బాక్సాఫీస్ ఊచకోత

అసాధారణ టాలెంట్‌తో ఎంతో మంది యంగ్ హీరోలు సౌత్ ఇండియా మొత్తంలో విశేషమైన గుర్తింపును సొంతం చేసుకున్నారు. అలాంటి వారిలో కోలీవుడ్ హీరో శివ కార్తికేయన్ ఒకరు అద్భుతమైన నటనతో అంచెలంచెలుగా ఎదిగిన ఇతగాడు.. ఫలితాలతో ఏమాత్రం సంబంధం లేకుండా వరుసగా మూవీలు చేస్తున్నాడు. ఇలా ఇప్పుడు శివ కార్తికేయన్ 'అమరన్' అనే చిత్రంతో వచ్చాడు.

ఈ మధ్య కాలంలో భారీ విజయాన్ని అందుకోవడం కోసం ప్రయత్నిస్తోన్న శివ కార్తికేయన్ తాజాగా ‘అమరన్’ అనే సినిమాను చేశాడు. మేజర్ ముకుంద్ వరదరాజన్ లైఫ్ స్టోరీతో ఈ చిత్రాన్ని రాజ్‌కుమార్ పెరియస్వామి రూపొందించాడు. బయోపిక్ మూవీ కావడంతో ఈ చిత్రం మొదట్లోనే అందరి దృష్టిని ఆకర్షించింది. ఫలితంగా హైప్‌ను భారీగా ఏర్పరచుకుని దీపావళి బరిలో నిలిచింది.

విడుదలకు ముందే అంచనాలను ఏర్పరచుకున్న ‘అమరన్’ సినిమా అక్టోబర్ 31వ తేదీన ఆడియెన్స్‌ను అలరించేందుకు వచ్చింది. ఈ మూవీకి ఊహించినట్లుగానే అన్ని వర్గాల వాళ్ల నుంచి మంచి టాక్ లభించింది. అందుకు తగ్గట్లుగానే ఈ చిత్రానికి ప్రేక్షకులు అదిరిపోయే స్పందనను అందించారు. దీంతో ఈ ఫిల్మ్‌కు వరల్డ్ వైడ్‌గా ఓపెనింగ్స్ పోటెత్తాయని చెప్పొచ్చు.

శివ కార్తికేయన్ - రాజ్‌కుమార్ పెరియస్వామి కాంబినేషన్‌లో రూపొందిన ‘అమరన్’ సినిమాకు పలు చిత్రాల నుంచి పోటీ ఉన్నప్పటికీ మొదటి రోజు దిమ్మతిరిగే రీతిలో రూ. 42.90 కోట్లు గ్రాస్ వసూలు అయింది. ఈ విషయాన్ని చిత్ర యూనిట్ అధికారికంగా వెల్లడించింది. తద్వారా శివ కార్తికేయన్ సినిమా కెరీర్‌లోనే బెస్ట్ ఓపెనింగ్స్ సాధించిన చిత్రంగా ‘అమరన్’ రికార్డును సాధించింది.

‘అమరన్’ సినిమా ఓపెనింగ్స్ ద్వారా శివ కార్తికేయన్ ఎన్నో రికార్డులను సైతం బ్రేక్ చేశాడు. ముఖ్యంగా తమిళంలో చాలా చిత్రాలను ఈ మూవీ మొదటి రోజు కలెక్షన్ల ద్వారానే వెనక్కి నెట్టేసింది. అంతేకాదు ఈ ఏడాది, ఫుట్‌ఫాల్స్ విషయంలోనూ విజయ్, రజనీకాంత్, కమల్ హాసన్ వంటి స్టార్ హీరోలను శివ కార్తికేయన్ వెనక్కి నెట్టేశాడు. ఇదే కంటిన్యూ అయితే ఈ చిత్రం త్వరలోనే క్లీన్ హిట్ స్టేటస్‌ను చేరుకుంటుందని చెప్పుకోవచ్చు.

ఇక, ‘అమరన్’ సినిమాను రాజ్ కమల్ ఫిల్మ్స్ ఇంటర్నేషనల్, సోనీ పిక్చర్స్ ఫిల్మ్స్ ఇండియా బ్యానర్లపై కమల్ హాసన్, మహేంద్రన్, వివేక్‌లు సంయుక్తంగా నిర్మించారు. ఇందులో సాయి పల్లవి హీరోయిన్‌గా నటించింది. అలాగే, భువన్ అరోరా, రాహుల్ బోస్, శ్రీ కుమార్ తదితరులు ఇందులో నటించారు. జీవీ ప్రకాశ్ కుమార్ ఈ మూవీకి మ్యూజిక్ కంపోజ్ చేశాడు.