బయట అర్జున్.. లోపల నాగార్జున్..!

బిగ్ బాస్ సీజన్ 8 మొదలవుతున్న సందర్భంగా రియాలిటీ షో ఫ్యాన్స్ అంతా కూడా షో గురించి ఆసక్తిగా ఉన్నారు. 7 సీజన్లు పూర్తి చేసుకున్న బిగ్ బాస్ త్వరలో ఎనిమిదవ సీజన్ కు రెడీ అవుతుంది. ఇప్పటికే కంటెస్టెంట్స్ ఎంపిక పూర్తి కాగా సెప్టెంబర్ 1 నుంచి షో మొదలవుతుందని తెలుస్తుంది. ఈసారి సీజన్ ని కొత్త కొత్త టాస్కులతో నెక్స్ట్ లెవెల్ లో ప్లాన్ చేస్తున్నట్టు తెలుస్తుంది. ఐతే బిగ్ బాస్ సీజన్ 8 హోస్ట్ గా నాగార్జున చేస్తుండగా ఎలిమినేట్ అయిన కంటెస్టెంట్ ని ఎవరు ఇంటర్వ్యూ చేస్తారా అన్న కన్ ఫ్యూజన్ ఏర్పడింది.

అసలైతే లాస్ట్ సీజన్ విన్నర్ లేదా రన్నర్ తో బిగ్ బాస్ బజ్ హోస్ట్ గా చేసి ఇంటర్వ్యూస్ చేయిస్తుంటారు. ఐతే ఈ సీజన్ లో అమర్ కానీ సీజన్ 7 లో బాగా ఇంపాక్ట్ కలిగించిన శివాజి కానీ బిగ్ బాస్ బజ్ హోస్ట్ గా చేస్తాడని అనుకున్నారు. కానీ అంచనాలు తారుమారు చేస్తూ లాస్ట్ సీజన్ వైల్డ్ కార్డ్ ఎంట్రీగా ఇచ్చిన అర్జున్ అంబటికి ఆ ఛాన్స్ ఇచ్చినట్టు తెలుస్తుంది.

బిగ్ బాస్ హోస్ట్ గా నాగార్జున తర్వాత కంటెస్టెంట్స్ ని రకరకాల ప్రశ్నలతో తికమక పెట్టే ఛాన్స్ బజ్ హోస్ట్ కి ఉంటుంది. ఒక్కోసారి వారు వేసే ప్రశ్నలు హోస్ట్ నాగార్జున కూడా వేయలేరు అన్నట్టుగా అనిపిస్తుంది. ఐతే బిగ్ బాస్ సీజన్ 8 బిగ్ బాస్ బజ్ హోస్ట్ గా అర్జున్ అంబటి ఛాన్స్ అందుకున్నాడని తెలుస్తుంది. సీజన్ 8 మొదలు కాగానే ఫస్ట్ ఎలిమినేటర్ తో బిగ్ బాస్ బజ్ మొదలవుతుంది. అంతేకాదు బిగ్ బాస్ బజ్ లో ప్రతిరోజు జరిగే హౌస్ మెట్స్ ఫైట్ తో పాటుగా బిగ్ బాస్ రివ్యూయర్స్ ఒపీనియన్ కూడా తీసుకుంటారని తెలిసిందే.

బిగ్ బాస్ సీజన్ మొదలవుతుంది అంటే చాలు బిగ్ బాస్ రివ్యూయర్స్ కూడా రెడీ అవుతున్నారు. ఇక ఈ సీజన్ లో కంటెస్టెంట్స్ ని అందరినీ సమపాళ్లలో తీసుకున్నారని తెలుస్తుంది. మరి సీజన్ 8 ఎలా ఉండబోతుంది. ఈ సీజన్ ఆడియన్స్ కు ఎలాంటి ఎంటర్టైన్మెంట్ అందిస్తుంది అన్నది చూడాలి.