అభిమాని ఇంటి ముందు బిగ్‌బి విగ్ర‌హం.. గూగుల్ గుర్తింపు

బిగ్ బి అమితాబ్ బ‌చ్చ‌న్ అసాధార‌ణ ఛ‌రిష్మా, ఆయ‌న‌కు ఉన్న ఫ్యాన్ ఫాలోయింగ్ గురించి చెప్పాల్సిన ప‌ని లేదు. ప్ర‌పంచ‌వ్యాప్తంగా ఆయ‌న‌కు ఫాలోవ‌ర్స్ ఉన్నారు. ఇప్పుడు ఒక అభిమాని ఏకంగా త‌న ఇంటి ముందు బిగ్ బి లైఫ్ టైమ్ (జీవిత ప‌రిమాణంలో) విగ్ర‌హాన్ని ఏర్పాటు చేయ‌గా, దానిని గూగుల్ గుర్తించింది. వివ‌రాల్లోకి వెళితే..

అమెరికా న్యూజెర్సీలోని ఓ నివాసం వెలుపల భారతీయ-అమెరికన్ వ్యాపారవేత్త ఏర్పాటు చేసిన బాలీవుడ్ సూపర్‌స్టార్ అమితాబ్ బచ్చన్ బిగ్గెస్ట్ సైజ్ విగ్రహాన్ని ఇప్పుడు గూగుల్ పర్యాటక ఆకర్షణ జాబితాలో చేర్చింది. పిటిఐ క‌థ‌నం ప్రకారం.. గోపీ సేథ్ అనే వ్యాపారి ఆగస్టు 2022లో బచ్చన్ జీవిత-పరిమాణ విగ్రహాన్ని ఎడిసన్ నగరంలోని అతడి నివాసం వెలుపల, న్యూయార్క్‌లోని మాన్‌హాటన్‌కు దక్షిణంగా ఏర్పాటు చేశారు. అయితే ఈ విగ్ర‌హం ప‌ర్యాట‌క ఆక‌ర్షణ‌ మంత్రంగా మారింది. ఈ సంద‌ర్భంగా అత‌డు అమితాబ్ బచ్చన్ విగ్రహానికి ధన్యవాదాలు తెలిపాడు. మా ఇల్లు అత్యంత ప్రసిద్ధ పర్యాటక ఆకర్షణలలో ఒకటిగా మారింది. గూగుల్ సెర్చ్ ద్వారా గుర్తించిన‌ ఈ సైట్ కి ప్రతిరోజూ సందర్శకుల సంఖ్య‌ను పెంచింది అని సేథ్ తెలిపారు. మా ఇల్లు మిస్టర్ బచ్చన్ యొక్క గ్లోబల్ అప్పీల్‌కు నిదర్శనం. ప్రపంచంలోని ప్రతి మూల నుండి అభిమానులను స్వాగతించడం మాకు గౌరవంగా ఉంది అని సేథ్ ఆనందం వ్య‌క్తం చేసారు.

గత రెండు సంవత్సరాల నుండి, అమితాబ్ బచ్చన్ అభిమానులు ఫోటోలు , సెల్ఫీలు తీసుకునేందుకు ఇక్కడికి వస్తున్నారు. చాలా మంది ఈ చిత్రాలను Instagram మరియు X వంటి సోషల్ మీడియా ప్లాట్‌ఫారమ్‌లలో పోస్ట్ చేస్తున్నారు. త‌ద్వారా అది ల్యాండ్ మార్క్ గా మారింది. ప్రపంచం నలుమూలల నుండి మిస్టర్ బచ్చన్ అభిమానులు విగ్రహాన్ని చూడటానికి ప్రయాణిస్తుండ‌డం ఆస‌క్తిక‌రం. రోజుకు 20 నుండి 25 కుటుంబాల కుటుంబాలు వస్తుంటాయి. సందర్శకులు తరచుగా గ్రీటింగ్ కార్డ్‌లు లేఖలను ఇక్క‌డ ఉంచుతారు. దిగ్గజ నటుడు అమితాబ్ పై తమ అభిమానాన్ని వ్యక్తం చేస్తారు అని సేథ్ వెల్ల‌డించారు. చాలామంది ఇన్ స్టా, యూట్యూబ్, టిక్ టాక్ వంటి సోషల్ మీడియా ప్లాట్‌ఫారమ్‌లను బిగ్ బి ఫోటోతో సెల్ఫీల వీడియోల‌ను నింపారు. ఇవి చాలా మంది దృష్టిని ఆకర్షించాయి.