ప‌బ్లిగ్గా షోలో కొడుకుపై మెగాస్టార్ విచారం

బాలీవుడ్ మెగాస్టార్ అమితాబ్ బచ్చన్ హోస్ట్‌గా క్విజ్ షో `కౌన్ బనేగా కరోడ్ పతి` ప్ర‌జాక‌ర్ష‌క షోగా పాపుల‌రైన సంగ‌తి తెలిసిందే. 16వ సీజ‌న్‌(కేబీసీ 16)లో అమితాబ్ త‌న‌యుడు అభిషేక్ తాజా ఎపిసోడ్ లో కనిపించనున్నాడు. అభిషేక్ తన త‌దుప‌రి చిత్రం `ఐ వాంట్ టు టాక్` ని ప్రమోట్ చేయడానికి షోలో పాల్గొంటున్నాడు. ప్రోమో తాజాగా విడుద‌లైంది. అయితే ఈ షోలో తండ్రి కొడుకుల న‌డుమ గ‌మ్మ‌త్త‌యిన విష‌యం ఒక‌టి ఇంట‌ర్నెట్ లో హాట్ టాపిక్‌గా మారింది. తండ్రీకొడుకుల క‌లయిక ఎగ్జ‌యిట్ చేస్తున్నా కానీ.. ఎందుక‌నో అభిషేక్ ఎంట్రీపై అమితాబ్ విచారం వ్యక్తం చేశారు. అత‌డిని షోకి పిలిచినందుకు విచారంగా ఉంద‌ని అన్నారు. అయితే ఈ విచార‌ణం దేనికి? అంటే.. తన తండ్రిని అనుక‌రిస్తూ మిమిక్రీ చేసిన అభిషేక్ అత‌డికి న‌చ్చ‌లేదు. ఏది ఏమైనా ఈ ప‌రిహాసం అంద‌రినీ న‌వ్వించింది.

తాజాగా విడుద‌లైన వీడియోలో వార‌సుడు అభిషేక్ అమితాబ్‌ను ఇమ్మిటేట్ చేసి.. విజేత అయిన పోటీదారు ముందు ఎలా ప్ర‌వ‌ర్తిస్తారో మిమిక్ చేసి చూపించారు. విజేత ఎదుట‌ సూపర్‌స్టార్ అమితాబ్ లాగా `7 కోట్లు`(షాత్‌ క్రోర్) అని అరిచాడు. అభిషేక్ ఫ్యామిలీ వేడుక‌ల్లోను ఎవరైనా ఏదైనా ప్రశ్న అడిగినప్పుడు, పిల్లలు కూడా అమితాబ్ సిగ్నేచ‌ర్‌ శైలిలో అరుస్తార‌ని కూడా తెలిసింది. ఇప్పుడు అభిషేక్ ఆ పిల్ల‌లు చేసిన‌దానినే వేదిక‌పై చేసి చూపించారు. మొత్తానికి ఈ ఫ‌న్ ని ఆడియెన్ ఎంతో ఎంజాయ్ చేస్తారు.

స్మాల్ బి అభిషేక్ న‌టించిన `ఐ వాంట్ టు టాక్` 22 నవంబర్ 2024న విడుదల కానుంది. ఈ చిత్రంలో అర్జున్ అనే పాత్ర‌లో అభిషేక్ న‌టించాడు. వ్యక్తిగత సమస్యలతో వో వైపు.. ఆరోగ్య సమస్యతో మ‌రోవైపు పోరాటం సాగించేవాడిగా అభి పాత్ర సాగుతుంది. ఈ చిత్రానికి షూజిత్ సిర్కార్ దర్శకత్వం వహిస్తున్నారు. ఇటీవల విడుదలైన ట్రైలర్ బచ్చన్ పాత్ర ఉద్వేగాలు అల‌రించాయి. జీవితంలోని దైనందిన పోరాటాలలోని అసంబద్ధ ప‌రిస్థితుల‌ను, ఘాఢమైన భావోద్వేగాలను ఈ ట్రైల‌ర్ ఆవిష్క‌రించింది. అర్జున్ పాత్ర‌ చిత్రణ ఆద్యంతం ఎమోష‌న్‌ని క‌లిగిస్తుంది.

అర్జున్ తన కుటుంబం , స్నేహితుల మధ్య సంక్లిష్టమైన ప‌రిస్థితుల‌ను ఎదుర్కొంటూనే, ఒక ముఖ్యమైన శస్త్రచికిత్స కోసం చేసే ప్ర‌య‌త్నాలను తెర‌పై చూపించారు. ట్రైలర్‌లో డ్రామా, డార్క్ కామెడీ, సిర్కార్ కథా కథనంలోని సిగ్నేచ‌ర్ స్టైల్ ఆక‌ట్టుకుంటాయి.

ఈ చిత్రం షూజిత్ సిర్కార్, అభిషేక్ బచ్చన్‌ల క‌ల‌యిక‌లో మొద‌టి ప్ర‌య‌త్నం. అయితే దర్శకుడు అమితాబ్ బచ్చన్‌తో నాలుగు సార్లు పనిచేశాడు. పికు, పింక్ (నిర్మాత‌) , గులాబో సితాబో చిత్రాల‌కు ప‌ని చేసాడు. షూబైట్ అనే సినిమాకి క‌లిసి ప‌ని చేసారు. ఈ చిత్రం విడుద‌ల కావాల్సి ఉంది. ఐ వాంట్ టు టాక్ చిత్రంలో అభితో పాటు, జానీ లీవర్, బానితా సంధు, పెర్లే మానీ, జయంత్ కృప్లానీ, అహల్య బమ్రూ త‌దిత‌రులు న‌టించారు.