ఆయ‌న‌కు అంత సీన్ లేద‌నేసిన హాట్ బ్యూటీ!

బాలీవుడ్ లో నెపోటిజం అంశం ఎప్పుడు చ‌ర్చ‌నీయాంశ‌మే. ముఖ్యంగా స్టార్ కిడ్స్ ను వెన‌కేసుకు రావ‌డంలో అగ్ర నిర్మాత క‌ర‌ణ్ జోహార పేరు ప్ర‌ముఖంగా చ‌ర్చకొస్తుంది. మాజీ హీరోయిన్లు, హీరోలు, ఇత‌ర సెల‌బ్రిటీ ఫ్యామిలీ తాలుకా పిల్ల‌ల్ని ప్రోత్స‌హించ‌డంతో క‌ర‌ణ్ జోహార్ ముందుంటాడ‌ని చాలా కాలంగా ఓ విమ‌ర్శ ఉంది. క‌ర‌ణ్ జోహార్ కేవ‌లం వాళ్ల‌ని టార్గెట్ చేసే సినిమాలు చేస్తాడ‌ని...ఇండస్ట్రీకి వ‌చ్చే కొత్త వాళ్ల కంటే? ఇండ‌స్ట్రీలో ఉన్న పిల్ల‌ల్నే ప్రోత్స‌హిస్తార‌ని..వాళ్ల‌నే క‌ర‌ణ్ ప్రొటెక్ట్ చేస్తాడ‌నే బ‌లమైన విమ‌ర్శే ఉంది.

ఆ మ‌ధ్య ఓ సినిమా నుంచి యంగ్ హీరో కార్తీక్ ఆర్య‌న్ ని త‌న బ్యాన‌ర్ నుంచి త‌ప్పించడంతో? క‌ర‌ణ్ పై విమ‌ర్శ‌లు పీక్స్ కి చేరిన సంగ‌తి తెలిసిందే. ఇండ‌స్ట్రీలో అత‌డికి ఎవ‌రూ లేక‌పోవ‌డంతో? క‌ర‌ణ్ ఇలాంటి చ‌ర్య‌ల‌కు పూనుకు న్నాడంటూ విమర్శ‌లు వ్య‌క్త‌మైన సంగ‌తి తెలిసిందే.

ఇక క‌ర‌ణ్ ప‌రిచ‌యం చేసిన‌ స్టార్ కిడ్స్ ఎంతో మంది. నెటి జ‌న‌రేష‌న్ చూసుకుంటే జాన్వీ క‌పూర్, అలియాభ‌ట్, అన‌న్య పాండే ఇలా చాలా మంది భామ‌ల పేర్లు వ‌స్తాయి. తాజాగా ఓ ఇంట‌ర్వ్యూలో అన‌న్యా పాండే క‌ర‌ణ్ అలాంటి వాడు కాదంటూ చెప్పుకొచ్చింది. `ఆయన ఏ స్టార్ కిడ్ ని ప్రొటెక్ట్ చేయ‌లేదు. త‌న‌ని తానే ప్రొటెక్ట్ చేసుకోలేడు. అలాంట‌ప్పుడు మిగ‌తా వారిని ఎలా ప్రొటెక్ట్ చేయ‌గ‌ల‌రు? స్టార్ కిడ్స్ చుట్టూ ఓ ర‌క‌మైన బ‌బుల్ ని క్రియేట్ చేసారంటున్నారు.

అది ముమ్మాటికి త‌ప్పు. ఇండ‌స్ట్రీలో ఎవ‌రి ప‌ని వారిది. ఇలా చేయ్ అలా చేయ‌కూడ‌ద‌ని క‌ర‌ణ్ ఎప్పుడూ చెప్ప‌లేదు. కానీ మాకొక బ‌ల‌మైన మ‌ద్ద‌తును మాత్రం అన్ని వేళ‌లా అందిస్తారు. ఇది ఆయ‌న మంచిత‌నం త‌ప్ప అంత‌కు మించి ఏం లేదు` అని తెలిపింది. అన‌న్యా పాండే `లైగ‌ర్` సినిమాతో టాలీవుడ్ కి ఎంట్రీ ఇచ్చిన సంగ‌తి తెలిసిందే. కానీ తొలి సినిమా ప‌రాజ‌యం చెంద‌డంతో? ముంబైకెళ్లి బాలీవుడ్ లో స్థిర‌ప‌డింది.