లైగర్ బేబీ సైలెంట్ అయిపోయింది..!

స్టూడెంట్ ఆఫ్ ది ఇయర్ 2 తో ఎంట్రీ ఇచ్చిన అనన్యా పాండే ఆ సినిమాతో ఆడియన్స్ అటెన్షన్ ని పట్టేసింది. తన క్రేజీ లుక్స్ తో అనన్యా బాలీవుడ్ టాప్ రేంజ్ కి వెళ్లడం ఖాయమని అనుకున్నారు. మొదటి సినిమా హిట్ ఆమెకు అవకాశాలు కూడా తెచ్చాయి.

అలా వరుసగా రెండు సినిమాలు ఒక వెబ్ సీరీస్ కూడా చేసిన అనన్యా పాండే మన డ్యాషింగ్ డైరెక్టర్ పూరీ జగన్నాథ్ కళ్లలో పడింది. విజయ్ దేవరకొండతో లైగర్ సినిమాలో అమ్మడు నటించింది. పాన్ ఇండియా రేంజ్ లో రిలీజైన లైగర్ సినిమా డిజాస్టర్ అవడంతో అనన్యా కెరీర్ డైలమాలో పడింది.

ఆ సినిమా హిట్ పడితే ఇటు తెలుగు అటు హిందీ రెండు భాషల్లో వరుస ఛాన్స్ లు వచ్చేవేమో కానీ లైగర్ ఫ్లాప్ అవ్వడం వల్ల అనన్యా అన్ లక్కీ అయిపోయింది. అంతేకాదు ఆమె సినిమాల వేగం కూడా తగ్గింది. ప్రస్తుతం డ్రీం గర్ల్ 2 సినిమాలో నటిస్తున్న అమ్మడు రాకీ ఔర్ రాణి కి ప్రేమ్ కహాని సినిమాలో గెస్ట్ రోల్ లో నటించింది. వీటితో పాటుగా ఖో గయే హం కహన్, కంట్రోల్ సినిమాల్లో కూడా నటిస్తుంది.

లైగర్ తర్వాత తెలుగు మేకర్స్ ఎవరు అమ్మడి వంక చూడలేదు. ఆ సినిమా తర్వాత బాలీవుడ్ లో అనన్యా దూకుడు తగ్గిందని చెప్పొచ్చు. అయితే మరో హిట్ పడితే కానీ అనన్యా కెరీర్ లో కొత్త జోష్ వస్తుంది. సినిమాలు ఎలా ఉన్నా అనన్యా పాండే ఫోటో షూట్స్ తో మాత్రం ఫాలోవర్స్ ని ఎంటర్టైన్ చేస్తుంది. రీసెంట్ గా అనన్యా పాండే ఆదిత్య రాయ్ కపూర్ తో ప్రేమలో ఉందన్న వార్తలు తెలిసిందే. ఇద్దరు ఓపెన్ అవ్వట్లేదు కానీ ఫారిన్ టూర్లు వేస్తూ ఫుల్ ఎంజాయ్ చేస్తున్నారు.

హీరోయిన్ గా కెరీర్ గురించి మరీ అంత సీరియస్ గా ఆలోచించని అనన్యా పాండే వచ్చిన అవకాశాన్ని చేస్తూ వెళ్తుంది. తన పూర్తి ఫోకస్ మొత్తం బాలీవుడ్ మీదే ఉన్నట్టు కనిపిస్తున్న అనన్యా సౌత్ ఆఫర్లు వచ్చినా పెద్దగా ఇంట్రెస్ట్ చూపినట్లేదని టాక్. బీ టౌన్ లో స్టార్ క్రేజ్ కోసం చూస్తున్న అనన్యా పాండే రాబోతున్న సినిమాలతో ఆ రేంజ్ సక్సెస్ అందుకుంటుందా లేదా అన్నది చూడాలి.