ఈ గాయ‌ని రియ‌ల్ రాక్ స్టార్ నో డౌట్

వేదిక‌ల‌పై గానాలాప‌న చేయ‌డం వేరు.. స్టెప్పులు వేస్తూ ఆడియెన్‌లో ఉత్సాహం నింప‌డం వేరు. ఈ రెండిటిని క‌లిపి అహూతుల‌కు కిక్కు తెచ్చే గాయ‌నీగాయ‌కుల‌కు హై డిమాండ్ ఉంటుంది. కేవ‌లం స్వ‌దేశంలోనే కాదు విదేశాల్లోను కాన్సెర్టుల ద్వారా కోట్లాది రూపాయ‌లు ఆర్జించిన‌ ప్ర‌తిభావంతులు ఉన్నారు. ఒక‌ప్ప‌టితో పోలిస్తే ఇప్పుడు ట్రెండ్ కి త‌గ్గ‌ట్టు గాయ‌నీగాయ‌కులు త‌మ‌ను తాము మెరుగు ప‌రుచుకుని దూసుకెళుతున్నారు.

వేదిక‌ల‌పై ఎన‌ర్జిటిక్ గా స్టెప్పులేస్తూ దేవీశ్రీ ప్ర‌సాద్ రాక్ స్టార్ గా నిరూపించాడు. ఆ త‌ర్వాత అదే బాట‌లో నేటిత‌రం ప్ర‌య‌త్నిస్తోంది. ఇక‌పోతే న‌టి కం గాయ‌ని ఆండ్రియా జెరోమియా వేదిక‌ల‌పై ఉర్రూత‌లూగించ‌డంలో స్పెష‌లిస్ట్. త‌న‌దైన అందం, గ్లామ‌ర్ ఎలివేష‌న్.. ఎన‌ర్జిటిక్ డ్యాన్సుల‌తో ఈ భామ స్టేజ్ పై క‌ట్టి ప‌డేస్తుంది. గాయ‌నిలోని ఈ విల‌క్ష‌ణ‌త క‌థానాయిక‌గా అవ‌కాశాలిచ్చింది. అవ‌కాశాల్ని స‌ద్వినియోగం చేసుకుని బిజీ న‌టిగా మారింది.

కార్తీ న‌టించిన యుగానికి ఒక్క‌డులో ఆండ్రియా గ్లామ‌రస్ నాయిక‌గా యువ‌త‌రాన్ని ఆక‌ర్షించింది. ఆ త‌ర్వాతా వైవిధ్య‌మైన పాత్ర‌ల్లో న‌టించిన ఈ బ్యూటీ వ్య‌క్తిగ‌త జీవితంలో ఒడిదుడుకుల కార‌ణంగా కెరీర్ ను కోల్పోయింది. కొంత గ్యాప్ త‌ర్వాత‌ తిరిగి కోలుకుని ఇటీవ‌ల‌ విజృంభిస్తోంది. తాజాగా ఓ ఈవెంట్లో రెడ్ హాట్ లుక్ లో ప్ర‌త్య‌క్ష‌మైన ఆండ్రియా స్ట‌న్నింగ్ లుక్స్ కి సంబంధించిన ఫోటోగ్రాఫ్స్ ఇంట‌ర్నెట్ లో వైర‌ల్ గా మారుతున్నాయి.

ఆండ్రియా ఇటీవ‌ల వ‌రుస చిత్రాల్లో న‌టిస్తోంది. ద‌ళ‌ప‌తి విజ‌య్ న‌టించిన‌ మాస్ట‌ర్ చిత్రంలో ఆండ్రియా కీల‌క పాత్ర‌లో క‌నిపించింది. ఆ త‌ర్వాత ఒకేసారి నాలుగైదు చిత్రాల్లో న‌టిస్తూ బిజీగా ఉంది. ఇవ‌న్నీ సెట్స్ లో ఉన్నాయి. క‌మ‌లా క‌న్న‌న్ ద‌ర్శ‌క‌త్వంలో `వ‌ట్టామ్`.. మిస్కిన్ ద‌ర్శ‌క‌త్వంలో `పిసాసు-2` లో న‌టించింది. కా - మాలిగై- నో ఎంట్రీ స‌హా మ‌రో రెండు చిత్రాల‌తోను ఆండ్రియా బిజీగా ఉంది. బాబి ఆంటోని, దినేష్ సెల్వ‌రాజ్ తెర‌కెక్కిస్తున్న సినిమాల్లో ను న‌టిస్తోంది.