హాట్ సింగ‌ర్ సినిమాకి ఇప్ప‌టికీ మోక్షం!

కోలీవుడ్ హాట్ సింగ‌ర్ కం యాక్టెర్స్ ఆండ్రియో గురించి చెప్పాల్సిన ప‌నిలేదు. న‌టిగా..గాయ‌నిగా రెండు రంగాల్లోనూ అమ్మ‌డు స‌త్తా చాటుతుంది. న‌టిగా ప్ర‌మోట్ అయిన త‌ర్వాత రేర్ గానే పాట‌లు పాడుతుంది. న‌ట‌న‌పై ఉన్నంత ఆస‌క్తిని సింగింగ్ పై పెట్ట‌డం లేదు. అయితే న‌టిగా మాత్రం ఈ మ‌ధ్య కాలంలో పెద్ద‌గా స‌క్స‌స్ లు కూడా అందుకోలేదు. రెండు ..మూడేళ్ల‌గా స‌రైన విజ‌యాలు ఖ‌తాలో ప‌డ‌లేదు.

దీంతో అమ్మ‌డు రేసులో వెనుక‌డింది. వెన‌కొచ్చిన భామ‌లు ముందుకు వెళ్లిపోతున్నా అంత అనుభ‌వం ఉన్నా? రేసులో దూసుకెళ్ల‌లేక‌పోతుంది. కానీ అవ‌కాశాల ప‌రంగా మాత్రం బాగానే అందుకుంటుంది. త‌మిళ్..తెలుగులో ఛాన్సులు అందుకుం టుంది. ఈ నేప‌థ్యంలో తాజాగా ఓ పెండింగ్ ప్రాజెక్ట్ కూడా రిలీజ్ అవుతున్న‌ట్లు తెలుస్తోంది. అమ్మ‌డు `కా `అనే చిత్రంలో న‌టించింది. ఇది మూడేళ్ల క్రితం నాటి సినిమా. కానీ అనివార్య కార‌ణాల‌తో రిలీజ్ ఆగిపో యింది.

రిలీజ్ తేదీ ప్ర‌క‌టించ‌డం వాయిదా వేయ‌డం ఇప్ప‌టికీ చాలాసార్లు చోటు చేసుకుంది. ఈ ఏడాది ఆ చిత్రాన్ని రిలీజ్ చేస్తున్న‌ట్లు మేక‌ర్స్ ప్ర‌క‌టించారు. ఇది స‌ర్ ప్రైజ్ అనే అనాలి. మూడేళ్ల త‌ర్వాత ఈ చిత్రాన్ని ఇప్పుడెందుకు రిలీజ్ చేస్తారులే అని అంతా భావించారు. కానీ రిలీజ్ కి ఇది స‌రైన స‌మ‌యం అంటూ వ‌స్తున్నారు. ఈ సినిమా ప్ర‌మోష‌న్ కోసం ప్ర‌త్యేక ఏర్పాట్లు చేస్తున్నారు.

యూనివ‌ర్శ‌ల్ గా క‌నెక్ట్ అయ్యే క‌థాంశం కావ‌డంతో రిలీజ్ చేస్తున్న అన్ని భాష‌ల్లోనూ ప్ర‌మోట్ చేయాల‌ని చూస్తున్నారుట‌. ఇందులో ఆండ్రియా సోలో హీరోయిన్‌గా వైల్డ్‌ లైఫ్‌ ఫోటోగ్రాఫర్ పాత్రను పోషించింది. వృత్తిలో భాగంగా అడవి జంతువులను ఫొటోలు తీసేందుకు దట్టమైన అడవిలోకి వెళ్లి చిక్కుకుంటారు. అక్కడ ఉండే క్రూరమృగాల నుంచి ఆమె ఎలా బయటపడ్డారన్నదే ఈ చిత్ర కథ. షాలోం స్టూడియో పతాకంపై జాన్‌ మైక్స్‌ నిర్మించగా నాంజిల్‌ దర్శకత్వం వహించారు.