మెగాస్టార్ ని లైన్ లోకి తెస్తోన్న అనీల్!

అనీల్ రావిపూడి టాలీవుడ్ కెరీర దేదీప్య‌మానంగా సాగిపోతుంది. క‌మ‌ర్శియ‌ల్ పంథాలో సినిమాలు చేస్తూ వ‌రుస‌గా హిట్లు మీద హిట్లు అందుకుంటున్నాడు. ఇప్ప‌టివ‌ర‌కూ వైఫ‌ల్యం అన్నది ఎదుర‌వ్వ‌లేదు. దీంతో స్టార్ హీరోలే టార్గెట్ గా ప‌నిచేస్తున్నాడు. కెరీర్ ఆరంభంలోనే వెంక‌టేష్..బాల‌కృష్ణ లాంటి సూప‌ర్ సీనియ‌ర్ల‌తో ప‌నిచేసాడు. మ‌హేష్ లాంటి స్టార్ హీరోత‌నూ సినిమా చేసారు.

ఇక సీనియ‌ర్స్ లో బాకీ ఉంది మెగాస్టార్ చిరంజీవి...కింగ్ నాగార్జున వాళ్ల‌తో కూడా సినిమాలు చేస్తే సూప‌ర్ సీనియ‌ర్లు పూర్త‌యిన‌ట్లే. ఆ ఆ త‌ర్వాత త‌రం న‌టులే బ్యాలెన్స్ ఉంటారు. ఇంత‌వ‌రకూ అనీల్ క‌మ‌ర్శియ ల్ ఫార్ములా ఫెయిలైంది కూడా లేదు. స‌రిగ్గా ఇదే స‌మ‌యంలో అనీల్ బాలీవుడ్ ప్ర‌య‌త్నాలు చేస్తున్న‌ట్లు కొన్ని రోజులుగా వార్త‌లొస్తున్నాయి. అక్క‌డ ఓ ఇద్ద‌రు హీరోల‌తో `ఎఫ్‌-2` చిత్రాన్ని రీమేక్ చేసేలా పావులు క‌దుపుతున్న‌ట్లు ప్ర‌చారం సాగుతుంది.

అయితే అందులో ఎంత మాత్రం నిజం లేద‌ని ఆయ‌న స‌న్నిహిత వ‌ర్గాల నుంచి వినిపిస్తోన్న మాట‌. టాలీవుడ్ లో మంచి కెరీర్ ని వ‌దిలేసుకుని బాలీవుడ్ కెళ్లి రిస్క్ ఎందుకు తీసుకుంటాడు? అన్న వాద‌న వినిపిస్తుంది. అనీల్ రావిపూడి నెక్స్ట్ టార్గెట్ చిరంజీవి అని అంటున్నారు. ప్ర‌స్తుతం బాల‌య్య తో తెర‌క్కిస్తోన్న `భ‌గ‌వంత్ కేస‌రి` రిలీజ్ అయిన వెంట‌నే చిరంజీవి క‌థ ప‌నుల్లోనే బిజీ అవుతాడ‌ని అంటున్నారు.

ఇప్ప‌టికే చిరంజీవితో అనీల్ చ‌ర్చ‌లు జ‌రుపుతున్న‌ట్లు స‌మాచారం. అనీల్ విష‌యంలో చిరు నో చెప్ప‌డా నికి ఛాన్సే లేదు. వ‌రుస విజ‌యాలు అనీల్ ని అగ్ర స్థానంలో కూర్చోబెట్టాయి. క‌మ‌ర్శియ‌ల్ సినిమా అంటే మెగాస్టార్ కి ఎంతో ఇష్టం. ఆయ‌న స్టైల్లో ఓ సినిమా చేస్తానంటే? ఆయ‌నెందుకు వ‌ద్దంటారు? అన్ని అనుకు న్న‌ట్లు కుదిరితే గ‌నుక వ‌చ్చే ఏడాది ఈ సినిమా ప్రారంభం అవుతుంద‌ని అంటున్నారు. ఇప్ప‌టికే అనీల్ కి..దిల్ రాజు నిర్మాణంలో క‌మిట్ మెంట్ ఉంది. అది చిరంజీవి సినిమా అవ‌డానికి అవ‌కాశాలు ఎక్కువ‌గా క‌నిపిస్తున్నాయి.