పాపం అనిల్ రావిపుడి సర్దేసుకున్నాడు..!

ప్రస్తుతం ఉన్న తెలుగు దర్శకులలో రాజమౌళి తర్వాత సక్సెస్ ఫుల్ డైరెక్టర్ గా పేరు తెచ్చుకున్నారు అనిల్ రావిపుడి. మొదటి సినిమా పటాస్ నుంచి తన ప్రతి సినిమాతో అనీల్ రావిపుడి హిట్స్ అందుకుంటున్నాడు. లాస్ట్ ఇయర్ భగవంత్ కేసరితో బాలయ్య మార్క్ సూపర్ హిట్ కొట్టారు అనిల్ రావిపుడి. అనిల్ రావిపుడి నెక్స్ట్ సినిమా వెంకటేష్ హీరోగా వస్తుందని తెలిసిందే. ఇదిలా ఉంటే అనిల్ రావిపుడి ఏదైనా ఈవెంట్ లో పాల్గొంటే ఆ వేడుక ఎంతో సరదాగా ఉంటుంది. మైక్ ఎత్తుకుంటే చాలు అనీల్ రావిపుడి స్టాండప్ కమెడియన్ మాదిరిగా కామెడీ కూడా చేస్తుంటారు.

ఈమధ్య ఒక సినిమా ఈవెంట్ లో ఆయన ఐపిఎల్ ఎప్పుడైనా చూడొచ్చు సినిమా చూడండని అన్నారు. సినిమా ఫ్యాన్స్ కన్నా క్రికెట్ ని ఇష్టపడే వాళ్లే ఎక్కువ అయిన మన దేశంలో అది ఐపిఎల్ సీజన్ పీక్స్ ఉన్న టైం లో ఆ డైలాగ్ కొట్టేసరికి క్రికెట్ లవర్స్ అంతా కూడా అనిల్ రావిపుడిని ట్రోల్ చేశారు. అది ఏ రేంజ్ లో అంటే ఆయన మళ్లీ సర్ధి చెప్పుకునే పరిస్థితి వచ్చింది. ఆ తర్వాత ఒక ఈవెంట్ లో పాల్గొన్న ఆయన ఐపిఎల్ చూడండి దానితో పాటు సినిమాలు చూడండని అన్నారు అప్పటికే జరగాల్సిన నష్టం జరిగింది.

ఇదిలా ఉంటే రీసెంట్ గా జరిగిన డైరెక్టర్స్ డే నాడు అనిల్ రావిపుడి స్టేజ్ మీద డాన్స్ కూడా వేశారు. ఆ టైంలో కూడా ఆయన్ను సోషల్ మీడియాలో కొందరు టార్గెట్ చేశారు. అందుకే లేటెస్ట్ గా సుధీర్ బాబు హీరోగా నటించిన హరి హర వీరమల్లు ఈవెంట్ లో యాంకర్ డాన్స్ చేయమంటే ఇకమీదట స్టేజ్ మీద డాన్స్ చేయకూడదని ఫిక్స్ అయ్యా అది ఈ ఈవెంట్ నుంచే మొదలు పెట్టానని అన్నారు. సో సోషల్ మీడియా ట్రోల్స్ తాకిడికి అనిల్ రావిపుడి కాస్త సర్ధేసుకున్నారని చెప్పాలి.

టార్గెట్ చేసిన వారిని మళ్లీ టార్గెట్ చేయకుండా అనిల్ రావిపుడి విషయాన్ని గుర్తించి వెనక్కి తగ్గడం చూసి అందరు షాక్ అవుతున్నారు. మొత్తానికి డైరెక్టర్ గా సూపర్ సక్సెస్ లతో అదరగొడుతున్న అనిల్ రావిపుడి అనవసరమైన విషయాలతో నెటిజెన్స్ కి టార్గెట్ అవుతున్నారని చెప్పొచ్చు.