భగవంత్ కేసరి.. అనిల్ రావిపూడి అల్లరి చూశారా..

యువ దర్శకుడు అనిల్ రావిపూడి మంచి కామెడీ టైమింగ్ తో ఎప్పుడు కూడా చాలా ఫన్నీ గా కనిపిస్తూ ఉంటాడు. తన సినిమాలో మంచి డ్రామా యాక్షన్ సీన్స్ కంటే కామెడీనే ఎక్కువగా హైలెట్ చేస్తూ ఉంటాడు. అతను చేసిన సినిమాలు ఇప్పటివరకు నిర్మాతలకు పెద్దగా నష్టాలను కలిగించింది లేదు. దాదాపు అన్నీ కూడా కమర్షియల్ గా మంచి ప్రాఫిట్స్ అందించాయి.

అందుకే అనిల్ రావిపూడి తో సినిమా చేసేందుకు చాలా మంది నిర్మాతలు సిద్ధంగా ఉన్నారు. ఇక నటీనటులు కూడా ఈ ఎనర్జిటిక్ దర్శకుడితో వర్క్ చేసేందుకు ఎల్లప్పుడూ సిద్ధంగా ఉంటారు. స్టోరీ కాస్త నచ్చినా కూడా అనిల్ రావిపూడి మీద నమ్మకంతో సినిమా చేసేవాళ్ళు కూడా చాలామంది ఉన్నారు.

ఇక అనిల్ సెట్స్ లో ఎంత ఫన్ గా ఉంటాడో మరోసారి ఒక వీడియో ద్వారా అర్థం అవుతోంది. భగవంత్ కేసరి సినిమాకు సంబంధించిన ఆఫ్ స్క్రీన్ షూటింగ్ వీడియోలను చిత్ర యూనిట్ విడుదల చేసింది. ఇక ఈ మేకింగ్ వీడియోలో అనిల్ రావిపూడి దాదాపు నటీనటులందరితో కూడా ఎంతగా ఫన్ గా ఉన్నాడో అర్థమవుతుంది.

ఇక అనిల్ రవిపూడి అల్లరి చూసి బాలయ్య బాబుతో పాటు కాజల్ అగర్వాల్ శ్రీలీల కూడా అతనితో కలిసిపోయి అల్లరిలో మరింత పోటీ పడ్డారు. ఎలాంటి సీన్ అయినా కూడా అనిల్ చాలా అర్థమయ్యేలా చెబుతాడు అని ఈ మేకింగ్ వీడియో ద్వారా అర్థమవుతుంది. ఆర్టిస్టులను ఏమాత్రం ఇబ్బంది పెట్టకుండా తనకు కావలసిన టైమింగ్ రాబట్టుకోవడంలో అతని పనితనం పర్ఫెక్ట్ గా కనిపిస్తోంది.

అందుకే మహేష్ బాబు లాంటి హీరో కూడా సరిలేరు నీకెవ్వరు తర్వాత వెంటనే అనిల్ తో మరొక సినిమా చేద్దామని కూడా అన్నాడు. కాకపోతే డేట్స్ వల్ల ఆ కాంబో కుదరడం లేదు. ఇక అనిల్ రావిపూడి భగవంత్ కేసరి ఈ గురువారం గ్రాండ్గా విడుదల కాబోతోంది. బాలయ్య బాబు తన వయసుకు తగ్గ పాత్రలో డిఫరెంట్ గా ఆకట్టుకోబోతున్నాడు. సినిమాలో మంచి యాక్షన్ అలాగే ఒక డిఫరెంట్ డ్రామా ఉండబోతోంది. తన కెరీర్ లోనే ఒక డిఫరెంట్ టైప్ సినిమా చేసినట్లుగా అనిల్ వివరణ ఇస్తున్నాడు. మరి ఈ సినిమా బాక్స్ ఆఫీస్ వద్ద ఎలాంటి రికార్డులను క్రియేట్ చేస్తుందో చూడాలి.