అనీల్ రావిపూడికి నిర్మాత ల‌గ్జ‌రీ కార్ గిఫ్ట్

త‌మ ద‌ర్శ‌కుల‌కు నిర్మాత‌లు ఖ‌రీదైన కానుక‌లివ్వ‌డం ఇటీవ‌ల ట్రెండ్. అటు త‌మిళ ప‌రిశ్ర‌మ అయినా ఇటు టాలీవుడ్ అయినా ఈ పంథాను రెగ్యుల‌ర్ గా చూస్తున్నాం. పూరి జ‌గ‌న్నాథ్, త్రివిక్ర‌మ్, మారుతి, పి.ఎస్.మిత్ర‌న్, ఆధిక్ ర‌విచంద్ర‌న్ వంటి ద‌ర్శ‌కుల‌కు నిర్మాత‌లు ఖ‌రీదైన కానుక‌లిచ్చారు.

ఇప్పుడు ద‌ర్శకుడు అనిల్ రావిపూడికి 'భగవంత్ కేసరి' నిర్మాతలు పోష్ టయోటా వెల్‌ఫైర్‌ను బహుమతిగా ఇచ్చారు. భ‌గ‌వంత్ కేస‌రి లాంటి విలక్షణమైన ఫ్యామిలీ- యాక్షన్ ఎంటర్‌టైనర్ ను అందించిన రావిపూడిక ఇది ఖ‌రీదైన కాన‌క‌. భగవంత్ కేసరి థియేట‌ర్ల‌లో సంచలన విజయం సాధించింది. స్ట్రీమింగ్ ప్లాట్‌ఫామ్ అమెజాన్ ప్రైమ్‌లో కూడా ఈ చిత్రానికి అద్భుతమైన స్పందన వచ్చింది. ఈ సినిమా గ్రాండ్ సక్సెస్‌తో ఖుషీగా ఉన్న నిర్మాతలు ఇప్పుడు దర్శకుడికి పోష్ లుక్ తో ఉండే కార్ ని కానుక‌నిచ్చారు. నిర్మాత‌ సాహు గారపతి కారు తాళాన్ని అనిల్ రావిపూడికి అంద‌జేసారు.

అనిల్ రావిపూడి ఏడు బ్యాక్ టు బ్యాక్ బ్లాక్‌బస్టర్ల‌ను అందించాడు. అతడు ప్రతిసారీ అంచనాలకు అనుగుణంగా త‌న ప‌నిత‌నంతో నిరూపించాడు. ఇప్పుడు అత‌డు తెర‌కెక్కించే తదుపరి ప్రాజెక్ట్ ప్రకటన కోసం తెలుగు సినీ అభిమానులు ఆసక్తిగా ఎదురుచూస్తున్నారు.