రావిపూడి హీరో వేషాలు.. ఏంటి సంగతి

టాలీవుడ్ లో రాజమౌళి తర్వాత మోస్ట్ సక్సెస్ ఫుల్ డైరెక్టర్ గా తనకంటూ ప్రత్యేకమైన ఇమేజ్ క్రియేట్ చేసుకున్నాడు అనిల్ రావిపూడి. తన మొదటి సినిమా పటాస్ నుంచి గత ఏడాది బాలయ్యతో సక్సెస్ అందుకున్న భగవంత్ కేసరి వరకు అన్ని కమర్షియల్ యాక్షన్ అండ్ ఎంటర్టైనర్ జోనర్ లోనే వచ్చాయి. స్టోరీ లైన్స్ వేరైనా అనిల్ రావిపూడి కథలు చెప్పే విధానం మాత్రం ఇంచు మించు ఒకే విధంగా ఉంటుంది. ప్రేక్షకుల ఏం కోరుకుంటారో వాటిని తన సినిమాలో కరెక్ట్ గా పెడతాడు.

అలా అన్ని అంశాలు కరెక్ట్ గా సెట్ కావడంతో అనిల్ రావిపూడి సినిమాలకి ప్రేక్షకుల నుంచి మంచి ఆదరణ వస్తూ ఉంటుంది. ప్రస్తుతం విక్టరీ వెంకటేష్ తో ‘సంక్రాంతికి వస్తున్నాము’ అనే సినిమాని అనిల్ రావిపూడి తెరకెక్కిస్తున్నారు. ఈ మూవీ షూటింగ్ దశలో ఉంది. మీనాక్షి చౌదరి హీరోయిన్ గా నటిస్తోంది. ఈ మూవీ కథాంశం క్రైమ్ కామెడీ జోనర్ లో ఉంటుందనే టాక్ ఉంది. డైరెక్టర్ గా అనిల్ రావిపూడి ఎంత టాలెంటెడ్ అనేది అందరికి తెలిసిందే.

అతనిలో మంచి యాక్టర్ కూడా ఉన్నాడని ఈవెంట్స్ లలో ప్రూవ్ అయిపొయింది. అలాగే అతని సినిమాలలో క్యారెక్టర్స్ తరహాలోనే అనిల్ రావిపూడిలో కూడా మంచి హ్యూమర్ టచ్ ఉంటుంది. హీరోయిక్ బాడీ లాంగ్వేజ్ కూడా మెయింటేన్ చేస్తూ ఉంటాడు. అందుకే అతన్ని హీరోగా చూడాలని ఫ్యాన్స్ కోరుకుంటున్నారు. త్వరలో ఆ కల నెరవేరే అవకాశం ఉందంట. అనిల్ రావిపూడి హీరోగా ఓ మూవీకి ప్లానింగ్ జరుగుతుందంట.

బడా నిర్మాత అనిల్ రావిపూడిని హీరోగా పరిచయం చేయడానికి రెడీ అవుతున్నారంట. 20 కోట్ల బడ్జెట్ తో ఈ సినిమాని నిర్మించబోతున్నారంట. అయితే ఈ మూవీలో కేవలం అనిల్ రావిపూడి హీరోగా మాత్రమే కనిపిస్తాడంట. వేరొకరి దర్శకత్వంలో ఈ సినిమా తెరకెక్కనుందంట. దీనికోసం అనిల్ రావిపూడి ఈ మధ్య వర్క్ అవుట్స్ చేస్తూ కాస్తా స్లిమ్ అయ్యాడంట. అలాగే హ్యాండ్సమ్ గా కూడా కనిపిస్తున్నారు.

అయితే వెంకటేష్ సినిమా కంప్లీట్ అయ్యాకనే అనిల్ రావిపూడి హీరోగా ఇంట్రడక్షన్ మూవీ ఉండే ఛాన్స్ ఉందని టాలీవుడ్ సర్కిల్ లో చర్చ నడుస్తోంది. కచ్చితంగా అనిల్ రావిపూడి ఎనర్జిటిక్ క్యారెక్టర్ కి సరిపోయే కథతోనే ఈ మూవీ ఉంటుందనే ప్రచారం నడుస్తోంది. మరి ఇందులో వాస్తవం ఎంత అనేది అఫీషియల్ గా కన్ఫర్మ్ అయితే కానీ తెలియదు.