మెగాస్టార్‌తో సినిమా జీవిత కాల ఘనత: అనీల్ సుంకర
అనిల్ సుంకర మాట్లాడుతూ - ''భోళా శంకర్‌తో మెగా అభిమానులు పూర్తిగా సంతృప్తి చెందుతారు.
By: Tupaki Desk | 7 Aug 2023 5:07 AM GMT
మెగాస్టార్ చిరంజీవి నటించిన భోళా శంకర్ ఆగస్ట్ 11న గ్రాండ్ రిలీజ్ కానుంది. ఈ చిత్రంలో తమన్నా భాటియా క‌థానాయిక. కీర్తి సురేష్ కీలక పాత్రలో న‌టించింది. మెహర్ రమేష్ దర్శకత్వం వహించిన ఈ చిత్రాన్ని ఎకె ఎంటర్‌టైన్‌మెంట్స్ నిర్మించింది. హైదరాబాద్ లో గ్రాండ్ గా ప్రీ రిలీజ్ ఈవెంట్ నిర్వహించారు.
ఈ కార్యక్రమంలో నిర్మాత అనిల్ సుంకర మాట్లాడుతూ- మెగాస్టార్‌తో కలిసి పని చేయాల‌న్న తన కలను నెరవేర్చినందుకు మెహర్ రమేష్‌కు కృతజ్ఞతలు తెలిపారు. చిరంజీవితో సినిమా నిర్మించడం తన జీవితకాల ఘనత అని అనిల్ సుంకర అన్నారు. భోళా శంకర్ షూటింగ్ సమయంలో చిరంజీవి నుంచి చాలా నేర్చుకున్నానని నిర్మాత తెలిపారు.
అనిల్ సుంకర మాట్లాడుతూ - ''భోళా శంకర్‌తో మెగా అభిమానులు పూర్తిగా సంతృప్తి చెందుతారు. వారికి కావాల్సిన అన్ని అంశాల మేలుక‌ల‌యిక‌తో ఈ చిత్రం తెర‌కెక్కింది. మాస్ మ‌సాలా యాక్ష‌న్ అంశాలు అల‌రిస్తాయ''ని అన్నారు. చిరు సోదరిగా నటించేందుకు కీర్తి సురేష్ మొదటి ఎంపిక అని అనిల్ సుంకర అన్నారు.
ఈ కార్యక్రమానికి హాజరైన వంశీ పైడిపల్లి, బుచ్చిబాబు సన, గోపీచంద్ మలినేని, సంపత్ నందిలకు నిర్మాత అనీల్ సుంకర కృతజ్ఞతలు తెలిపారు. ఆగస్ట్ 11న భోళా శంకర్ టీమ్ అభిమానులకు భారీ కానుకను అందజేస్తోందని ఆయన అన్నారు.
ఇది త‌మిళ బ్లాక్ బ‌స్ట‌ర్ వేదాళం కి రీమేక్ అన్న సంగ‌తి తెలిసిందే. ఇక ఇదే వేదిక‌పై మెగాస్టార్ చిరంజీవి తన నిర్మాత అనీల్ సుంకర ఎంతో ప‌ట్టుద‌ల‌తో ప్ర‌తిదీ సౌక‌ర్యంగా అంద‌జేసార‌ని తెలిపారు. ఆయ‌న‌కు పెద్ద విజ‌యం ద‌క్కాల‌ని విష్ చేసారు.
