యానిమల్ మరో బాక్సాఫీస్ బీభత్సం

రణబీర్ కపూర్ హీరోగా సందీప్ రెడ్డి వంగా దర్శకత్వంలో తెరకెక్కి డిసెంబర్ 1న ప్రేక్షకుల ముందుకి వచ్చిన చిత్రం యానిమల్. రష్మిక మందన ఈ చిత్రంలో హీరోయిన్ గా నటించింది. రిలీజ్ అయిన మొదటి రోజే ఈ సినిమాకి పాజిటివ్ టాక్ వచ్చింది. అలాగే వంద కోట్లకి పైగా ఓపెనింగ్ కలెక్షన్స్ ని సొంతం చేసుకుంది. వీకెండ్ మూడు రోజులు వంద కోట్లకి పైగానే వసూళ్లని యానిమల్ రాబట్టింది.

రణబీర్ కపూర్ అద్భుతమైన పెర్ఫార్మెన్స్, సందీప్ రెడ్డి వంగా స్టోరీ నేరేషన్ కి యూత్ ఆడియన్స్ విపరీతంగా కనెక్ట్ అయిపోయారు. ముఖ్యంగా నార్త్ ఇండియాలో అయితే యానిమల్ సినిమాకి అడిక్ట్ అయిపోయారని చెప్పొచ్చు. అంతలా యూత్ మీద సినిమా ఇంపాక్ట్ క్రియేట్ చేసింది. అయితే ఒక వర్గం నుంచి యానిమల్ సినిమాపై తీవ్ర విమర్శలు వచ్చాయి.

యానిమల్ సినిమా హింసని ప్రోత్సహించే విధంగా ఉందని, అశ్లీలత ఎక్కువగా ఉందని కామెంట్స్ వినిపించాయి. రాజకీయ నాయకులు సైతం యానిమల్ సినిమాపై పార్లమెంట్ లో నేరుగా చర్చించారు. ఈ నెగిటివ్ ప్రచారం కూడా సినిమా కలెక్షన్స్ మరింత పెరగడానికి కారణమయ్యాయని చెప్పొచ్చు. ఇక సినిమాలో విలన్ గా నటించిన బాబీ డియోల్ ఇమేజ్ అమాంతం పెరిగిపోయింది.

ఫేడ్ అవుట్ స్టార్ కాస్తా ట్రెండింగ్ స్టార్ అయిపోయారు. ఇదిలా ఉంటే మొదటి నాలుగు రోజుల్లోనే బ్రేక్ ఈవెన్ అందుకున్న యానిమల్ మూవీ ఇప్పటి వరకు ప్రపంచ వ్యాప్తంగా 835.90 కోట్ల కలెక్షన్స్ ని రాబట్టింది. రణబీర్ కపూర్ కెరియర్ లోనే హైయెస్ట్ కలెక్షన్స్ ఇవే కావడం విశేషం. అలాగే ఈ ఏడాది షారుఖ్ ఖాన్, జవాన్, పఠాన్ ల తర్వాత హైయెస్ట్ గ్రాస్ కలెక్ట్ చేసిన మూవీగా యానిమల్ నిలిచింది.

ఇప్పటికి డీసెంట్ కలెక్షన్స్ తో మూవీ థియేటర్స్ లో కొనసాగుతోంది. ఓవరాల్ గా 900 నుంచి 950 కోట్ల వరకు యానిమల్ క్లోజింగ్ కలెక్షన్స్ రీచ్ అయ్యే అవకాశం ఉంటుందని ట్రేడ్ పండితులు అంచనా వేస్తున్నారు. మరి అది ఎంత వరకు సాధ్యం అవుతుందనేది చూడాలి. యానిమల్ సినిమాకి సీక్వెల్ కూడా ఉంటుందని సందీప్ రెడ్డి వంగా హింట్ ఇచ్చారు. ఒక వేళ అది స్టార్ట్ చేస్తే కచ్చితంగా యానిమల్ కలెక్షన్స్ కి బ్రేక్ చేసే ఛాన్స్ ఉందని అంచనా వేస్తున్నారు.