యానిమాల్ బాక్సాఫీస్ బ్లాస్ట్.. ఫస్ట్ డే ఎంతంటే..

రణబీర్ కపూర్ సందీప్ రెడ్డి వంగ కాంబినేషన్లో వచ్చిన బిగ్గెస్ట్ యాక్షన్ డ్రామా మూవీ యానిమల్ సినిమా అంచనాలకు తగ్గట్టుగానే మొదటి రోజు డీసెంట్ టాక్ అయితే సొంతం చేసుకుంది. అక్కడక్కడ సినిమా కాస్త స్లోగా అనిపించినప్పటికీ మొత్తానికి సినిమా బాక్సాఫీస్ వద్ద సాలిడ్ కలెక్షన్స్ అందుకునే కంటెంట్ అయితే ఇవ్వగలిగింది.

ఇక ఈ సినిమా మొదటి రోజు 100 కోట్లకు పైగా కలెక్షన్స్ అందుకుంటుంది అని ముందుగానే ఆ హడావుడి కనిపించింది. ఇక అంతకుమించి అనేలా మొదటి రోజు ఈ సినిమా కలెక్షన్స్ రాబట్టడం విశేషం. గతంలో ఎప్పుడు లేనంత అత్యధిక స్థాయిలో రణబీర్ కపూర్ సినిమా ఓపెనింగ్స్ అందుకుంది. దీంతో మరోవైపు సందీప్ రెడ్డి రేంజ్ కూడా ఈ సినిమాతో మరింత పెరిగింది అని చెప్పవచ్చు.

అంతేకాకుండా అత్యధిక స్థాయిలో టాప్ కలెక్షన్స్ అందుకున్న హీరోగా కూడా రణబీర్ కపూర్ బాలీవుడ్ ఇండస్ట్రీలో ఒక సెన్సేషన్ క్రియేట్ చేశాడు. ఆది పురుష జవాన్ పఠాన్ సినిమాల తర్వాత ఈ ఏడాది అత్యధిక స్థాయిలో 100 కోట్లకు పైగా గ్రాస్ కలెక్షన్స్ అందుకున్న సినిమాగా యానిమల్ సరికొత్త రికార్డును క్రియేట్ చేసింది. ఇక ఈ నెంబర్లపై అఫీషియల్ పోస్టర్ కూడా విడుదల చేశారు.

మొదటిరోజు యానిమల్ సినిమా ఊహించని స్థాయిలో 116 కోట్లకు పైగా గ్రాస్ కలెక్షన్స్ అందుకుంది అని క్లారిటీ ఇచ్చేశారు. దీంతో ఈ సినిమాకు సంబంధించిన అనేక రకాల విషయాలను కూడా ఇప్పుడు సోషల్ మీడియాలో వైరల్ గా మారుతున్నాయి. రణబీర్ క్యారెక్టర్ అన్ని వర్గాల ఆడియన్స్ కు ఎక్కువగా కనెక్ట్ అవుతుంది. ఇక దానికి తగ్గట్టుగా సందీప్ రెడ్డివంగా మేకింగ్ విధానం కూడా సినిమాకు మంచి బజ్ క్రియేట్ చేస్తోంది.

మొదటి రోజు అయితే సాలిడ్ కలెక్షన్స్ సొంతం చేసుకున్న ఈ సినిమా రెండవ రోజు కూడా అదే సత్తా చూపిస్తుందా లేదా అనేది చూడాలి. ఇక ఈ సినిమా ద్వారా రణబీర్ కపూర్ కు తెలుగు మార్కెట్లో కూడా మంచి నెంబర్లు వచ్చాయి. కేరళ తమిళంలో పెద్దగా కలెక్షన్స్ రాకపోయినప్పటికీ కర్ణాటక తెలుగు రాష్ట్రాల్లో మాత్రం అనుకున్న దాని కంటే ఎక్కువ స్థాయిలో కలెక్షన్స్ వచ్చాయి. మరియు రెండవ రోజు కూడా ఇదే తరహాలో సినిమా కలెక్షన్స్ అందుకుంటుందో లేదో.