యానిమల్.. మరో ఫ్రైడే కూడా బ్లాస్ట్ అయ్యింది

రణబీర్ కపూర్ సందీప్ రెడ్డి వంగా కాంబినేషన్లో వచ్చిన యానిమల్ సినిమా రోజుకు ఒక రికార్డును బ్లాస్ట్ చేస్తోంది. ఇంతకుముందు బాలీవుడ్లో ఎప్పుడో లేనంత బజ్ క్రియేట్ చేసుకుంటున్న ఈ సినిమా రణబీర్ కపూర్ కెరీర్ లోనే ఒక బిగ్గెస్ట్ రికార్డ్ అయితే అందుకోబోతోంది. ఇప్పటికే ప్రపంచ వ్యాప్తంగా ఈ సినిమా 600 కోట్లకు పైగా గ్రాస్ కలెక్షన్స్ అందుకుని సంజు రికార్డు ను బ్రేక్ చేసింది.

అసలు ఈ స్థాయిలో సినిమా సక్సెస్ అవుతుంది అని ఎవరు ఊహించలేదు. దర్శకుడు సందీప్ రెడ్డివంగా మాత్రం సినిమా చూసిన తర్వాత ఆడియన్స్ అంచనాలకు మించి సినిమా ఉంటుంది అని చెప్పాడు ఇక ఆడియన్స్ కూడా అదే ఫీలింగ్ తో సినిమా చూసిన తర్వాత బయటికి వస్తున్నారు. కొన్ని నెగటివ్ కామెంట్స్ వచ్చినప్పటికీ కూడా సినిమాపై అవేమీ అంతగా ప్రభావం అయితే చూపలేదు.

ఇక బాక్సాఫీస్ వద్ద అయితే రోజుకు ఒక రికార్డును ఈ సినిమా బ్రేక్ చేస్తోంది. ఈ ఏడాదిలో ఫస్ట్ వీకెండ్ లో అత్యధిక కలెక్షన్స్ అందుకున్న సినిమాలలో కూడా ఇది రెండవ స్థానంలో నిలిచింది. ఇండియాలోనే కాకుండా ఓవర్సీస్ లో కూడా యానిమల్ సినిమా మంచి కలెక్షన్స్ అయితే రాబడుతోంది. ముఖ్యంగా నార్త్ అమెరికాలో ఈ సినిమా ఏకంగా 10 మిలియన్లకు పైగా డాలర్లను అందుకొని టాప్ 7 మూవీస్ లో ఒకటిగా నిలిచింది.

మొదట ఓవర్సీస్ లో కాస్త తక్కువ థియేటర్లలోనే యానిమల్ సినిమాను విడుదల చేశారు. కానీ రెండవ రోజు నుంచి డిమాండ్ పెరగడంతో స్క్రీన్ల సంఖ్య పెరుగుతూ వచ్చింది. ముఖ్యంగా యూఎస్ లోనే ఈ సినిమాకు సాలిడ్ కలెక్షన్స్ వస్తున్నాయి. ఇక సినిమా వచ్చి 7 రోజులు దాటిన తర్వాత కూడా అదే స్థాయిలో పాజిటివ్ వైబ్రేషన్స్ క్రియేట్ అవుతున్నాయి.

ఇక ఈ సినిమా రెండవ శుక్రవారం కూడా బెస్ట్ కలెక్షన్స్ అందుకోవడం విశేషం. ఈ ఏడాది ఏడు రోజుల తర్వాత కూడా రెండవ శుక్రవారం గద్దర్ సినిమా 20 కోట్ల రేంజ్ లో కలెక్షన్స్ అందుకోగా ఇప్పుడు ఆ రికార్డును బ్రేక్ చేసిన మూవీగా యానిమల్ నిలిచింది నిన్న శుక్రవారం కూడా ఈ సినిమాకు 25 కోట్ల రేంజ్ లో కలెక్షన్స్ వచ్చాయి. పోటీగా ఇతర పెద్ద సినిమాలు ఏమీ లేకపోవడం బాగా కలిసి వచ్చింది. చూస్తూ ఉంటే ఈ వీకెండ్ కూడా యానిమల్ మరొక రికార్డును అందుకునే అవకాశం ఉన్నట్లుగా తెలుస్తోంది.