యానిమల్ డైరెక్టర్ నోరు విప్పాల్సిందే..!

యానిమల్ సినిమాతో మరో బ్లాక్ బస్టర్ తన ఖాతాలో వేసుకున్నాడు డైరెక్టర్ సందీప్ రెడ్డి వంగ. రణ్ బీర్ కపూర్ తో అతను చేసిన యానిమల్ పాన్ ఇండియా లెవెల్ లో సెన్సేషనల్ హిట్ అందుకుంది. సినిమా రిలీజ్ ముందు అంచనాలకు ఏమాత్రం తగ్గకుండా యానిమల్ సందీప్ మార్క్ మూవీగా సూపర్ క్రేజ్ తెచ్చుకుంది. రణ్ బీర్ నటన, సందీప్ డైరెక్షన్ సినిమా ఆడియన్స్ కు రీచ్ అయ్యేలా చేసింది. ఈ సినిమా తర్వాత అసలైతే ప్రభాస్ తో స్పిరిట్ చేయాల్సి ఉంది. కానీ సందీప్ వంగ తన నిర్ణయం మార్చుకున్నట్టు చెప్పుకుంటున్నారు.

యానిమల్ సూపర్ హిట్ అవడంతో టీ సీరీస్ సందీప్ రణ్ బీర్ కాంబోలో మరో సినిమాను ప్లాన్ చేస్తున్నారట. అది కూడా భారీ బడ్జెట్ తో వస్తుందని తెలుస్తుంది. యానిమల్ తర్వాత స్పిరిట్ చేయాల్సి ఉన్నా సరే సందీప్ ప్రభాస్ సినిమాను పక్కన పెట్టి రణ్ బీర్ తోనే మరో మూవీ ప్లానింగ్ లో ఉన్నట్టు తెలుస్తుంది.

యానిమల్ సినిమా బాక్సాఫీస్ దగ్గర దూసుకెళ్తుంది. ఇప్పటికే 800 కోట్ల గ్రాస్ కలెక్ట్ చేసింది. సినిమా ఫుల్ రన్ లో 1000 కోట్ల మార్క్ టచ్ చేస్తుందా లేదా అన్నది చూడాలి. అయితే యానిమల్ సినిమా సూపర్ అనుకున్న వారు ఎంతమందో సినిమా మీద విమర్శలు చేసిన వారు అదే రేంజ్ లో ఉన్నారు. అయితే సినిమాపై ఆ నెగిటివ్ ఇంపాక్ట్ ఏమాత్రం పడలేదు. సినిమా ఊహించిన దానికన్నా భారీ హిట్ గా నిలిచింది.

ఇక ఇదే ఊపులో రణ్ బీర్ తో మరో సినిమా చేస్తే బాగుంటుందని సందీప్ వంగ భావిస్తున్నారు. రణ్ బీర్ తో చేసే నెక్స్ట్ సినిమాలో కూడా తృప్తి ని తీసుకున్నారని అంటున్నారు. అంతేకాదు ఈ సినిమాలో మాళయాళ భామ మాళవిక మోహనన్ హీరోయిన్ గా నటిస్తుందని చెప్పుకుంటున్నారు. అయితే స్పిరిట్ కన్నా ముందు సందీప్ వంగ రణ్ బీర్ తో సినిమా చేస్తాడా ఈ విషయాలపై క్లారిటీ రావాలంటే సందీప్ వంగ రెస్పాన్స్ అవ్వాల్సిందే మరి.

అర్జున్ రెడ్డి, కబీర్ సింగ్, యానిమల్ ఇలా 3 సినిమాలతో డైరెక్టర్ గా తన స్టాంప్ వేసుకున్న సందీప్ రెడ్డి వంగతో సినిమాలు చేసేందుకు బాలీవుడ్ స్టార్స్ కూడా ఆసక్తి చూపిస్తున్నారు. అయితే రణ్ బీర్ తో మరో సినిమా చేశాక ప్రభాస్, అల్లు అర్జున్, విజయ్ దేవరకొండ ఇలా వరుస తెలుగు స్టార్స్ తో సినిమాల ప్లానింగ్ లో ఉన్నారు సందీప్ రెడ్డి వంగ.