యానిమాల్.. ఈసారి హై వోల్టేజ్ సాంగ్

అర్జున్ రెడ్డి సినిమాతో ఒక్కసారిగా స్టార్ దర్శకుల రేంజ్ లో గుర్తింపు అందుకున్న సందీప్ రెడ్డి కంగా అదే కథతో బాలీవుడ్ లో కూడా కబీర్ సింగ్ అంటూ మరో సక్సెస్ అందుకున్న విషయం తెలిసిందే. ఇక ఈ దర్శకుడు రెండవ సినిమా ఎలా ఉంటుందా అని అందరూ ఆసక్తిని ఎదురుచూస్తున్న సమయంలో ఊహించని విధంగానే యానిమాల్ అనే టైటిల్ తోనే షాక్ ఇచ్చాడు.

ఇక రణబీర్ కపూర్ ను గతంలో ఎప్పుడు చూపించనంత వైల్డ్ గా యానిమాల్ లో చూపించబొతున్నట్లు తెలుస్తోంది. ఈ సినిమాలో ఒకవైపు కంప్లీట్ ఫ్యామిలీ ఎమోషన్స్ తో పాటు మరొక వైపు రొమాంటిక్ లవ్ కూడా ఉండబోతుంది. అంతేకాకుండా అంతకుమించి అనేలా ఈ సినిమాలో యాక్షన్ డోస్ కూడా ఉండబోతుంది.

అది కూడా హీరో ఒక రేంజ్ లో ఊచ కోత కోసేలా ఫైట్స్ ఉండబోతున్నట్లు క్లారిటీ ఇచ్చేశారు. ఇక సినిమాలో కూడా ఇప్పటికే అన్ని రకాల ఎమోషన్స్ తో కూడిన పాటలు ఉండబోతున్నట్లు క్లారిటీ ఇచ్చేసారు. విడుదలైన ఒక రొమాంటిక్ సాంగ్ తో పాటు అలాగే ఫాదర్ సెంటిమెంట్తో కూడిన మరొక పాట కూడా బాగా ఆకట్టుకుంది.

ఇక ఇప్పుడు హై వోల్టేజ్ వైబ్రేషన్స్ తో కూడిన మరొక యాక్షన్ సాంగ్ ను కూడా పంజాబ్ స్టైల్ లో విడుదల చేయడం విశేషం. ఈ సాంగ్ ఇప్పుడు సినిమాపై అంచనాలు క్రియేట్ చేసే విధంగా కనిపిస్తోంది. రీసెంట్ గా థీమ్ సాంగ్ అర్జన్ వైలీని విడుదల చేశారు. సినిమా ప్రీ-టీజర్ టైమ్ లో ఉపయోగించిన ఈ పంజాబీ ఫోక్ సాంగ్ కాస్త వైరల్ అయిన విషయం తెలిసిందే.

ఇక ఇప్పుడు ఫుల్ వీడియో లిరికల్ సాంగ్ విడుదల చేశారు. విడుదలైన ఈ ఉల్లాసభరితమైన పాటను మనన్ భరద్వాజ్ స్వరపరిచారు. భూపీందర్ బబ్బల్ యొక్క శక్తివంతమైన సాహిత్యం మరియు గానం తీవ్రమైన విజువల్స్‌కు మరింత బలాన్ని చేకూర్చాయి. రణబీర్ తన గొడ్డలితో కసిగా అనేక మందిని చంపినట్లు కనిపించాడు. మొత్తానికి సాంగ్ అయితే హై వోల్టేజ్ అనే తరహాలో ఉంది. మరి సినిమాకు ఎంతవరకు హైప్ క్రియేట్ చేస్తుందో చూడాలి.