యానిమాల్.. జోయా జెట్ స్పీడ్ క్రేజ్

యానిమల్ సినిమా మొత్తానికి ఊహించిన దాని కంటే ఎక్కువ స్థాయిలోనే బాక్సాఫీస్ వద్ద బలమైన రికార్డులను క్రియేట్ చేసుకుంటుంది. రెండు తెలుగు రాష్ట్రాల్లో పెట్టిన పెట్టుబడి వెనక్కి వచ్చింది. దర్శకుడు సందీప్ రెడ్డివంగా తన స్టామినా ఏంటో మరోసారి నిరూపించుకున్నాడు. ఇక నటుడిగా రణబీర్ కపూర్ కూడా అంతకుమించి అనేలా పర్ఫామెన్స్ ఇవ్వడంతో అతనికి అన్ని భాషల్లో కూడా మంచి క్రేజ్ అయితే దక్కుతోంది.

అంతేకాకుండా ఈసారి రణబీర్ కపూర్ మార్కెట్ కూడా అమంతంగా పెరిగిపోయింది. మూడు రోజుల్లోనే యానిమాల్ సినిమా 360 కోట్లు రాబట్టి ఈ ఏడాది బిగ్గెస్ట్ ఓపెనింగ్స్ అందుకున్న సినిమాల్లో ఒకటిగా నిలిచింది. ఇది అతని కెరీర్ కు ఒక మంచి బూస్ట్ అనే చెప్పవచ్చు. అయితే హీరోయిన్ రష్మిక మందన్న కూడా బాలీవుడ్ ఇండస్ట్రీలో అసలైన బాక్స్ ఆఫీస్ సక్సెస్ చూసింది.

ఆమె కెరీర్ కు ఇది మరింత జోరున ఇస్తుంది అని చెప్పవచ్చు. అయితే యానిమల్ సినిమాలో కొద్దిసేపు కనిపించినప్పటికీ కూడా మరో గ్లామరస్ బ్యూటీ త్రిప్తి దిమ్రి కూడా మంచి క్రేజ్ అందుకుంటుంది. అమ్మడు యానిమల్ సినిమాలో జోయ అనే పాత్రలో నటించిన విషయం తెలిసిందే. రణబీర్ కపూర్ తో రొమాంటిక్ సన్నివేశాల్లో కూడా అమ్మడు ఊహించని విధంగా దర్శనమిచ్చింది.

అంతేకాకుండా అతనితో ప్రేమలో పడి చూపించిన హావభావాలు కూడా సినిమాలో హైలైట్ గా నిలిచాయి. ఇక అమ్మడు ఇప్పుడు సోషల్ మీడియాలో మంచి క్రేజ్ అయితే అందుకుంటొంది. యానిమల్ సినిమా ముందు వరకు కూడా ఈ బ్యూటీకి ఇన్ స్టాగ్రామ్ లో 60 వేల మంది ఫాలోవర్స్ మాత్రమే ఉన్నారు. ఇక సినిమా వచ్చిన తర్వాత మూడు రోజుల్లోనే ఆ సంఖ్య వన్ మిలియన్ దాటేసింది.

ఈ రేంజ్ లో ఇటీవల కాలంలో ఇంత వేగంగా ఎవరూ కూడా ఫాలోవర్స్ ను పెంచుకోలేదు అని చెప్పాలి. చూస్తూ ఉంటే ఈ బ్యూటీ క్రేజ్ ఇంకాస్త పెరిగే అవకాశం ఉంది. అలాగే టాలీవుడ్ ఇండస్ట్రీ నుంచి కూడా అవకాశాలు వస్తున్నట్లు సమాచారం. చేసింది చిన్న పాత్ర అయినప్పటికీ బాగా ఇంపాక్ట్ చూపించింది. మరి ఈ క్రేజ్ ను అమ్మడు ఎలా వాడుకుంటుందో చూడాలి.