యానిమాల్.. మన హీరో చేసి ఉంటే?

సందీప్ రెడ్డి వంగా దర్శకత్వంలో రణబీర్ కపూర్ హీరోగా తెరకెక్కిన యానిమల్ మూవీ ప్రేక్షకుల ముందుకు రాబోతుంది. భారీ బడ్జెట్ తో పాన్ ఇండియా చిత్రంగా ఈ సినిమాను సందీప్ రెడ్డి వంగా సిల్వర్ స్క్రీన్ పై ఆవిష్కరించారు. డిసెంబర్ 1న ప్రపంచవ్యాప్తంగా ఐదు భాషలలో మూవీ రిలీజ్ కాబోతోంది. ఇదిలా ఉంటే తాజాగా ఈ సినిమా ట్రైలర్ రిలీజ్ చేశారు. తండ్రి కొడుకుల అనుబంధం నేపథ్యంలో మోస్ట్ వైలెంట్ గా ఈ ట్రైలర్ ని రిప్రజెంట్ చేయడం విశేషం.

తండ్రి అంటే విపరీతమైన ప్రేమ ఉన్న పాత్రలో రణబీర్ కపూర్ నటించాడు. తండ్రి పాత్రలో అనిల్ కపూర్ కనిపించడం విశేషం. రష్మిక మందన హీరోయిన్ నటిస్తోంది. బాబి డియోల్ ప్రతి నాయకుడు పాత్రలో కనిపించబోతున్నారు. ఇదిలా ఉంటే నిజానికి ఈ సినిమా కథని ముందుగా సందీప్ రెడ్డి సూపర్ స్టార్ మహేష్ బాబుకి చెప్పడం జరిగిందంట. అయితే ఈ కథలో క్యారెక్టర్, ఎమోషనల్ ఎలిమెంట్ తనకి బాగా కనెక్ట్ అయిన కూడా ఎందుకనో ఆ పాత్ర తనకి సెట్ కాదని మహేష్ బాబు అనిపించిందంట.

ఈ కారణంగానే యానిమల్ స్టోరీని సూపర్ స్టార్ మహేష్ వదులుకున్నాడని టాక్ వినిపిస్తుంది. అయితే యానిమల్ ట్రైలర్ చూసిన తర్వాత మహేష్ బాబు ఫ్యాన్స్ ఈ సినిమా ఖచ్చితంగా తమ అభిమాన హీరో చేసి ఉంటే నెక్స్ట్ లెవెల్ లో ఉండేది అంటూ సోషల్ మీడియాలో పోస్టులు పెడుతున్నారు.

బిజినెస్ మెన్ లో మహేష్ బాబు పాత్రకి కాస్త ఎక్స్ ట్రీమ్ లెవెల్ యాడ్ చేస్తే యానిమల్ మూవీలో రణబీర్ కపూర్ క్యారెక్టర్ ఉంటుందని అంటున్నారు. గతంలో కూడా సూపర్ స్టార్ మహేష్ బాబు కథలు నచ్చిన తనకు సెట్ కావనే ఉద్దేశంతో చాలా సినిమాలు తిరస్కరించారు. అలాంటి సినిమాలు బ్లాక్ బస్టర్ హిట్ అయిన సందర్భాలు కూడా ఉన్నాయి. అందులో అల్లు అర్జున్ పుష్ప మూవీ కూడా ఉండడం విశేషం.

ఇప్పుడు యానిమల్ ట్రైలర్ చూసిన తర్వాత మంచి సినిమాని మహేష్ బాబు వదులుకున్నాడు అంటూ కామెంట్స్ వినిపిస్తున్నాయి. అయితే ఈ సినిమా మహేష్ బాబు చేసి ఉంటే రణబీర్ కపూర్ తరహాలో ఆ డెప్త్ ఎమోషన్ ఎంతవరకు క్యారీ చేసేవాడు అనే ప్రశ్న ఇప్పుడు వ్యక్తం అవుతుంది.