రష్మిక - రణ్​బీర్​.. ఫస్ట్ నైట్​ విత్ వైలెన్స్​ ఎపిసోడ్

సినీ ప్రియులు ఎంతో ఆసక్తిగా ఎదురుచూస్తున్న సినిమాల్లో యానిమల్ ఒకటి. రణ్​బీర్ కపూర్​ - రష్మిక జంటగా నటిస్తున్న ఈ చిత్రం.. వైల్డ్ యాక్షన్ క్రైమ్ థ్రిల్లర్​ ఎంటర్​టైనర్​గా తెరకెక్కుతోంది. రీసెంట్​గా రిలీజైన ఈ మూవీ టీజర్​కు కూడా మంచి రెస్పాన్స్ వచ్చింది. ముఖ్యంగా రణ్​బీర్ కిల్లింగ్ వైల్డ్ క్యారెక్టర్​ అయితే గూస్​ బంప్స్​ తెప్పించాయి. అయితే తాజాగా ఈ సినిమాకు సంబంధించి గుస్​ బంప్స్​ తెప్పించేలా మరో వార్త బయటకు వచ్చింది.

వివరాళ్లోకి వెళ్లితే.. ఈ సినిమాను దర్శకుడు సందీప్ వంగా ఎంతో గ్రాండియర్​గా​ తెరకెక్కిస్తున్నారు. ప్రతి సన్నివేశాన్ని ఎంతో ఇంటెన్సివ్​గా తెరకెక్కించినట్లుగా ఇప్పటికే విడుదలైన ప్రచార చిత్రాలు చూస్తుంటే అర్థమవుతోంది. ఇందులో రణ్​బీర్​ - రష్మిక పెళ్లి చేసుకుని భార్య భర్తలుగా కూడా కనిపించనున్నారు.

అయితే వీరిద్దరి మధ్య ఓ సన్నివేశాన్ని సందీప్ వంగా హైరేంజ్​లో తెరకెక్కించారట. అదేంటంటే.. సినిమాలో వీరిద్దరికి పెళ్లైన తర్వాత ఫస్ట్ నైట్​ సీన్​ ఉంటుందట. వైట్ ధోతి - వైట్ శారీ లుక్​లో ఇద్దరు కనిపిస్తారట. అయితే అదే సమయంలో విలన్ గ్యాంగ్స్​ ఈ జంటపై దాడికి పాల్పడతారట. ఆ సమయంలో రణ్​బీర్​ ఎంతో వైల్డ్​గా మారిపోయి.. ప్రతినాయకుల గ్యాంగ్​పై విరుచుకుపడతారట.

ఇక్కడ మరో ట్విస్ట్​ ఏంటంటే.. ఓ వైపు రష్మికతో ఫస్ట్ నైట్ రొమాన్స్ చేస్తూనే ఈ ఫైటింగ్ సీన్ చేస్తారట రణ్​బీర్​. అలా రెండింటినీ బ్యాలెన్స్​ చేస్తారని తెలిసింది. ఈ వైలెన్స్​ - రొమాన్స్​ ఎపిసోడ్​ రెండిటీనీ సందీప్ వంగా అద్భుతంగా చిత్రీకరించారట. ఔట్ ఫుట్ అద్భుతంగా వచ్చిందని తెలిసింది. సినిమాకు ఇది​​ స్పెషల్ అట్రాక్షన్​గా హైలైట్​గా నిలవనుందని చెబుతున్నారు.

కాగా, సినిమాలో బాబీ దేవోల్‌, అనిల్‌ కపూర్‌ లాంటి క్రేజీ స్టార్స్​ కూడా నటించడంతో.. ఈ చిత్రంపై మొదట్నుంచీ ప్రేక్షకుల్లో భారీ ఆసక్తి నెలకొంది. ప్రచార చిత్రంలో రణ్‌బీర్‌ కపూర్‌ మాస్‌ అవతారం చూశాక.. అంచనాలు మరింత పెరిగిపోయాయి. ఈ క్రైమ్‌ థ్రిల్లర్‌ను భూషణ్‌ కుమార్‌, కృష్ణ కుమార్‌, మురాద్‌ ఖేతానీ, అశ్విన్‌ వర్దే, ప్రణయ్‌రెడ్డి వంగా, సందీప్‌ రెడ్డి వంగా సంయుక్తంగా నిర్మిస్తున్నారు.