యానిమాల్.. ఈ జోయా ఎవరంటే..

సందీప్ రెడ్డి వంగ దర్శకత్వంలో రణబీర్ కపూర్ కథానాయకుడిగా వచ్చిన యాక్షన్ థ్రిల్లర్ మూవీ యానిమల్ బాక్సాఫీస్ వద్ద మొదటి రోజు సాలిడ్ కలెక్షన్స్ అయితే అందుకుంది. ఇక రెండో రోజు కూడా చాలా ఏరియాలలో ఈ సినిమా హౌస్ ఫుల్ కలెక్షన్స్ తో దర్శనమిచ్చింది. సినిమాకు సంబంధించిన కొన్ని సన్నివేశాలు ప్రేక్షకులలో చాలా హాట్ టాపిక్ గా నిలుస్తూ ఉన్నాయి.

ఇక యానిమల్ సినిమాలో హీరోయిన్ రష్మిక మందన్న పాత్ర కూడా చాలా హైలెట్గా నిలిచింది అక్కడక్కడ ఆమె సన్నివేశాలపై విభిన్నమైన అభిప్రాయాలు వస్తున్నప్పటికీ కూడా తన పాత్రకు అయితే న్యాయం చేసింది అనేలా మరికొందరు పాజిటివ్గా రియాక్ట్ అవుతున్నారు. ఇక రష్మిక మందన్న తరువాత ఈ సినిమాలో మరొక బ్యూటీ స్పెషల్ అట్రాక్షన్ గా నిలిచింది. అదే జోయా క్యారెక్టర్.

సెకండాఫ్లో వచ్చే ఆ పాత్ర సినిమాను మరొక మూడ్ లోకి లాగేస్తూ ఉంటుంది. అంతేకాకుండా ఆమె కొన్ని రొమాంటిక్ సన్నివేశాలలో కూడా ఊహించని విధంగా నటించింది. ఒకవైపు లవ్ మరొకవైపు బాధను హైలైట్ చేస్తూ ఆమె నటించిన విధానం సినిమాలో హైలెట్ అయింది. అయితే ఇప్పుడు ఆమె ఫోటోలు కూడా సోషల్ మీడియాలో బాగా వైరల్ అవుతున్నాయి.

ఆమె ఎవరు అంటూ నెటిజన్లు ఆరా తీస్తున్నారు. ఇక జోయ పాత్ర చేసిన ఆమె పేరు త్రిప్తి దిమిరి. 2017 నుంచి సినిమా ఇండస్ట్రీలో కొనసాగుతోంది. మోడల్ గా మంచి గుర్తింపు వచ్చిన తర్వాత ఆమెకు మొదట శ్రీదేవి మామ్ సినిమాలో అవకాశం వచ్చింది. ఆ సినిమాలో ఆమె పాత్ర చాలా నిడివితో ఉన్నప్పటికీ మంచి గుర్తింపుని అందుకుంది. ఆ తర్వాత పోస్టర్ బాయ్స్, లైలా మజ్ను, బుల్బుల్ అనే మరికొన్ని సినిమాలు చేసింది.

కానీ అవేమీ కూడా అంతగా సక్సెస్ కాలేదు. ఇక మొత్తానికి ఇప్పుడు యానిమల్ సినిమాలో ఆమె చేసింది చిన్న పాత్ర అయినా మంచి ఇంపాక్ట్ చూపించింది. ఇక ఆమెకు సంబంధించిన వీడియోలు ఫోటోలు కూడా సోషల్ మీడియాలో బాగా వైరల్ అవుతున్నాయి. ఈ సినిమాతోనే అమ్మడు ఒక ట్రాక్ లోకి వచ్చే అవకాశం ఉన్నట్లుగా తెలుస్తోంది. మరి ఆమె కెరీర్ రేంజ్ ను పెంచే అవకాశాలు వస్తాయో లేదో చూడాలి.