యానిమల్ పార్క్..ఇంకెన్ని ట్విస్టులు ఉంటాయో !

సందీప్ రెడ్డి వంగ దర్శకత్వంలో వచ్చిన అర్జున్ రెడ్డి క్యారెక్టర్ జనాలకు ఎంతగా కనెక్ట్ అయిందో ప్రత్యేకంగా చెప్పనవసరం లేదు. అదే కథను బాలీవుడ్లో రీమేక్ చేయగా అక్కడ కూడా ఊహించని స్థాయిలోనే సక్సెస్ అయ్యింది. దీంతో సందీప్ రెడ్డి బ్రాండ్ ఇమేజ్ మరింత పెరిగిపోయింది. ఇక యానిమల్ సినిమా కూడా ఎంతో కొంత ఇంపాక్ట్ చూపిస్తుంది అని అందరూ అనుకున్నారు.

కానీ ఊహించిన దాని కంటే ఎక్కువగానే ఈ సినిమా కూడా బాక్సాఫీస్ వద్ద వైల్డ్ గా దూసుకుపోతోంది. వీకెండ్ తర్వాత కూడా కలెక్షన్స్ నిలకడగా ఉన్నాయి. ఈజీగా 500 కోట్ల మార్క్ ను అందుకోబోతున్న ఈ సినిమా త్వరలోనే వెయ్యి కోట్లు అందుకున్న ఆశ్చర్యపోవాల్సిన అవసరం లేదని ట్రేడ్ వర్గాలు చెబుతూ ఉన్నాయి. కొంత నెగిటివ్ టాక్ కూడా ఈ సినిమాకు వచ్చింది. అయినప్పటికీ యువత ఈ సినిమాను చూసేందుకు గట్టిగానే ఎగబడుతున్నారు.

అయితే యానిమల్ లాంటి రణబీర్ క్యారెక్టర్ తోనే థియేటర్ ను షేక్ చేసిన సందీప్ రెడ్డి అంతకుమించి అనేలా మరో యానిమల్ క్యారెక్టర్ ను చూపిస్తే పరిస్థితి ఎలా ఉంటుందో ఉహించనిది. యానిమల్ పార్క్ అంటూ సీక్వెల్ పై ముందుగానే హింట్ ఇచ్చిన సందీప్ రెడ్డి అంచనాల స్థాయిని అమాంతంగా పెంచేసాడు. ఇక అందులో రక్తపాతం బోల్డ్ నెస్ అగ్రేషన్ సైకో ఫీలింగ్స్ ఏ రేంజ్ లో ఉంటాయో అని అందరూ కూడా చర్చించుకుంటున్నారు.

ఒక యానిమల్ రెచ్చిపోతేనే ఊచకోత మామూలుగా లేదు.. ఇక దానికి సీక్వెల్ గా వచ్చే యానిమల్ పార్కులో అంతకుమించి అనేలా యానిమల్ క్యారెక్టర్లు ఉండబోతున్నట్లు చెప్పేశారు. యానిమల్ చివరి సన్నివేశాలలో మరో రణబీర్ కపూర్ ఎలా కనిపించడో ప్రత్యేకంగా చెప్పనవసరం లేదు. దానికే సినిమాకే డోస్ ఎక్కువైంది అనే కామెంట్స్ కూడా వినిపించాయి. అయినప్పటికీ జనాలు సినిమాలు చూడడం మాత్రం ఆపడం లేదు.

ఇక పార్క్ లో పరిస్థితి ఏ రేంజ్ లో ఉంటుందో అని అంచనాలు పెరిగిపోతున్నాయి. ఇక సందీప్ రెడ్డి నెక్స్ట్ ప్రభాస్ తో సినిమా చేయబోతున్న విషయం తెలిసిందే. స్పిరిట్ అనే ఈ సినిమాలో ప్రభాస్ పవర్ఫుల్ పోలీస్ ఆఫీసర్ గా కనిపించబోతున్నాడు. ఇక ఆ సినిమా తర్వాత బన్నీతో చేయబోతున్నట్లు ఒక క్లారిటీ ఇచ్చాడు. మరి ఈ రెండు సినిమాల తర్వాత యానిమల్ పార్క్ ఉంటుందా.. లేదంటే మధ్యలో గ్యాప్ దొరికితే దాన్ని మొదలు పెడతాడా అనేది కాలమే తేల్చాలి.