యానిమల్.. రష్మిక స్టన్నింగ్ రికార్డ్

గ్లామరస్ హీరోయిన్ గా తనకంటూ ఒక ప్రత్యేకమైన గుర్తింపును అందుకుంటున్న రష్మిక మందన్న ప్రతి ఏడాది ఏదో ఒక సినిమాతో బాక్సాఫీస్ వద్ద బిగ్ సక్సెస్ ను చూస్తోంది. ఇక రీసెంట్ గా వచ్చిన యానిమల్ సినిమాతో అమ్మడు మరొక బిగ్ సక్సెస్ అందుకుంటుంది. సందీప్ రెడ్డి వంగ దర్శకత్వంలో రణబీర్ కపూర్ హీరోగా తెరకెక్కిన ఈ సినిమా బాక్స్ ఆఫీస్ వద్ద మొదటి రోజే ఊహించిన స్థాయిలో కలెక్షన్స్ సొంతం చేసుకుంది.

ఇక వీకెండ్ లో కూడా ఈ ఏడాది అత్యధిక స్థాయిలో కలెక్షన్స్ అందుకున్న సినిమాల్లో యానిమల్ ఒకటిగా నిలిచింది. ఈ సినిమాలో రష్మిక మందన్న గీతాంజలి అనే పాత్రలో నటించింది. గతంలో కంటే విభిన్నమైన తరహాలో రష్మిక కనిపించిన విధానం అందరినీ ఎంతగానో ఆకట్టుకుంది. ముఖ్యంగా ఎమోషనల్ లవ్ సీన్స్ లో కూడా ఆమె రణబీర్ తో పోటీ పడి నటించింది. సెకండ్ హాఫ్ లో కొన్ని సీన్స్ సినిమాలో హైలెట్ గా నిలిచాయి.

ఇక సాంగ్స్ లో కూడా ఆమె తన అందంతో మరోసారి ఎంతగానో ఆకట్టుకుంది. మొత్తానికి యానిమల్ సినిమాలో ఒక వైపు నటిగా అలాగే మరొకవైపు హీరోయిన్గా ఆమె తన స్థాయిని పెంచుకుంది అని చెప్పవచ్చు. ఇక సోషల్ మీడియాలో కూడా ఈ బ్యూటీకి ఏ స్థాయిలో గుర్తింపు ఉందొ ప్రత్యేకంగా చెప్పనవసరం లేదు. ఇక యానిమల్ సినిమా తర్వాత అమ్మడు తన రేంజ్ ను మరింత పెంచుకుంది.

యానిమల్ సినిమా తర్వాత ఒక్కసారిగా ఇన్ స్టాగ్రామ్ లో రష్మికకు ఫాలోవర్స్ సంఖ్య పెరిగిపోయింది. ఇక ఇప్పుడు ఆ సంఖ్య 40 మిలియన్ల ఫాలోవర్లను దాటేసింది. ఇటీవల కాలంలో అత్యధిక స్థాయిలో ఫాలోవర్స్ ను సొంతం చేసుకున్నా వారిలో రష్మిక టాప్ లిస్టులో చేరిపోయింది. ఇక ప్రస్తుతం ఈ బ్యూటీ చేతిలో చాలా పెద్ద సినిమాలే ఉన్నాయి.

అల్లు అర్జున్ పుష్ప 2 లో నటిస్తున్న విషయం తెలిసిందే. అలాగే విక్కీ కౌశల్ తో కూడా ఒక సినిమా చేస్తున్న రష్మిక ది గర్ల్ ఫ్రెండ్ అనే ఒక మరొక లేడీ ఓరియంటెడ్ ప్రాజెక్ట్ కూడా చేస్తోంది. ఇక ఇందులో అయితే పుష్ప 2 సినిమాపై అంచనాలు ఎక్కువగా ఉన్నాయి. వచ్చే ఏడాది ఆగస్టులో రాబోతున్న ఈ సినిమా కూడా తప్పకుండా బాక్సాఫీస్ వద్ద సరికొత్త సెన్సేషన్ చేసే అవకాశం ఉంది.