అవెంజర్స్, బ్యాట్ మ్యాన్.. ఒక దేవర..!

ఎన్టీఆర్ కొరటాల శివ కాంబోలో జనతా గ్యారేజ్ తర్వాత చేసిన సినిమా దేవర. దేవర పార్ట్ 1 మరికొద్ది గంటల్లో ప్రేక్షకుల ముందుకు వస్తుంది. పాన్ ఇండియా లెవెల్ లో సినీ ప్రియులంతా కూడా ఈ సినిమా కోసం ఎంతో ఆసక్తిగా ఎదురుచూస్తున్నారు. ఎన్ టీ ఆర్ ఫ్యాన్స్ అయితే తమ హీరో మాస్ స్టామినా ఏంటో చూపించడానికి సిద్ధంగా ఉన్నారు. ఎన్టీఆర్ దేవర సినిమాలో జాన్వి కపూర్ హీరోయిన్ గా నటించగా అనిరుద్ రవిచంద్రన్ మ్యూజిక్ అందించారు.

దేవర కు అనిరుద్ ఇచ్చిన హై మామూలుగా లేదు. ఇప్పటికే కోలీవుడ్ లో సంచలన సంగీత దర్శకుడిగా తన హవా కొనసాగిస్తున్న అనిరుద్ దేవర కు స్పెషల్ ఎట్రాక్షన్ గా నిలిచాడు. మొదటి దేవర ముంగింట సాంగ్ నుంచి చుట్టమల్లె ఇక ఫియర్ సాంగ్ ఇవన్నీ కూడా సినిమా పై అంచనాలను రెట్టింపు చేస్తూ వచ్చారు. ఇక సినిమా గురించి అనిరుద్ చాలా గొప్పగా మాట్లాడారు.

ఇంత గొప్ప సినిమా ఎలా రూపొందించారా అని ఆశ్చర్యం కలుగుతుందని అన్నారు. తాను కూడా హైదరాబాద్ లో ఫ్యాన్స్ తో కలిసి ఈ సినిమా చూస్తానని అన్నారు. అవెంజర్స్, బ్యాట్ మెన్ సినిమాలు చూస్తున్న ఫీల్ దేవర కు వస్తుందని అన్నారు. అంతేకాదు దేవరలో ఇది ఉంది అది లేదని కాదు యాక్షన్, సెంటిమెంట్, డ్రామా అన్ని అంశాలు ఉన్నాయని అనిరుద్ చెప్పాడు. ముఖ్యంగా అనిరుద్ చెప్పిన అవెంజర్స్, బ్యాట్ మ్యాన్ సినిమాల థ్రిల్ దేవర ఇస్తుందని చెప్పగానే ఎన్టీఆర్ ఫ్యాన్స్ ఖుషి అవుతున్నారు.

పాన్ ఇండియా కాదు పాన్ వరల్డ్ వైడ్ గా దేవర ఫీవర్ మొదలైంది. ఈరోజు అర్ధరాత్రి నుంచి దేవర ప్రీమియర్స్ మొదలవుతున్నాయి. కచ్చితంగా ఎన్ టీ ఆర్ మాస్ స్టామినా ఏంటన్నది బాక్సాఫీస్ దగ్గర చూపించేలా దేవర 1 ఉంటుందని అంటున్నారు. ఈ సినిమాలో ఎన్ టీ ఆర్ డ్యుయల్ రోల్ చేయగా సినిమాలో ఫ్యాన్స్ విజిల్స్ వేసే యాక్షన్ సీన్స్ నెక్స్ట్ లెవెల్ లో ఉంటాయని అంటున్నారు. మరి దేవర ఫైనల్ రిజల్ట్ ఎలా ఉంటుందో చూడాలి. కొరటాల శివ, ఎన్టీఆర్ ఇద్దరు సినిమా మీద చాలా కాన్ఫిడెంట్ గా ఉన్నారు.