'రామాయ‌ణం' థీమ్‌ కొట్టేసిన మ‌రో స్టార్ డైరెక్ట‌ర్

బాలీవుడ్ స్టార్ డైరెక్ట‌ర్ రోహిత్ శెట్టి ట్యాలెంట్ గురించి ప్ర‌త్యేకించి చెప్పాల్సిన ప‌ని లేదు. బాలీవుడ్ లో ఎన్నో బ్లాక్ బ‌స్ట‌ర్లు తీసిన ఘ‌న‌త అత‌డి సొంతం. షారూఖ్ తో `చెన్నై ఎక్స్ ప్రెస్` లాంటి సౌత్ క‌నెక్టివిటీ ఉన్న సినిమాని శెట్టి తెర‌కెక్కించాడు. ఇది ఓటీటీలో సౌత్ నార్త్ అనే తేడా లేకుండా అన్నిచోట్లా గొప్ప ఆద‌ర‌ణ ద‌క్కించుకున్న కామెడీ యాక్ష‌న్ ఎంటర్ టైన‌ర్. అయితే దీని కోసం రోహిత్ శెట్టి తెలివిగా రామాయ‌ణం థీమ్ లైన్‌ని కాపీ కొట్టార‌ని గుసగుస వినిపిస్తోంది.

ఇప్పుడు రోహిత్ శెట్టి దర్శకత్వం వహించిన `సింగం ఎగైన్`(సింగం 3) మిగ‌తా రెండు చిత్రాల‌కు భిన్న‌మైన‌ది. ఇది కూడా మునుపటిలా సీరియ‌స్ కాప్ యాక్ష‌న్ డ్రామా. దీపావళి సెల‌వుల‌ను దృష్టిలో ఉంచుకుని నవంబర్ 1న విడుదలకు సిద్ధంగా ఉంది. అయితే సినిమా విడుదలకు ముందే ఈరోజు ట్రైలర్ విడుదలను ప్రకటించారు. ఉత్సాహాన్ని పెంచడానికి అజయ్ దేవగన్ ఫ‌స్ట్ గ్లింప్స్ ని రిలీజ్ చేయ‌గా అది తక్షణమే వైరల్ అయ్యింది. అభిమానులు కూడా దీనికి అద్భుతంగా రియాక్ట్ అయ్యారు. బ్లాక్ బస్టర్ లోడింగ్ అంటూ సోష‌ల్ మీడియాల్లో బోలెడంత సందడి నెల‌కొంది.

అజయ్ తన ఇన్‌స్టాలో సింగం ఫ్రాంచైజీలో పనిచేసిన హీరోలందరి వీడియో గ్లిమ్స్ ని షేర్ చేసారు. అజయ్, రణవీర్ సింగ్ , అక్షయ్ కుమార్ న‌టించిన వ‌రుస చిత్రాల నుంచి ఈ వీడియో (సినిమా గ్లింప్‌) వేగంగా వైర‌ల్ అవుతోంది.

కుటుంబంతో కలిసి పండుగ జరుపుకుంటామని, సింగం ఎగైన్ దీపావళికి రాబోతోందని రోహిత్ శెట్టి కూడా చెబుతున్నాడు. చివరి సన్నివేశంలో అజయ్ దేవగన్ నిలబడి మంచు పర్వతాలను చూస్తున్నాడు. అతని పూర్తి లుక్ ఇంకా విడుదల కాలేదు. ఈ వీడియోను షేర్ చేసిన వెంటనే అభిమానులు స్పందించారు. చాలా మంది బ్లాక్ బస్టర్ ఖాయ‌మ‌ని ప్ర‌శంసిస్తున్నారు. అంతకుముందు రోహిత్ శెట్టి సింగం సిరీస్ సంవత్సరాలుగా ఎలా అభివృద్ధి చెందిందో చూపించే ప్రోమో వీడియోను విడుద‌ల చేసారు. ఫ్రాంచైజీకి ప్రేక్షకులు ఎలా స్పందించారో పోలీసు అవతార్‌లో అజయ్ దేవగన్‌ని ఎలా మెచ్చుకున్నారో కూడా వీడియో చూపించింది.

సింగం ఎగైన్ నవంబర్ 1న సినిమా థియేటర్లలో విడుదలకు సిద్ధంగా ఉంది. రోహిత్ శెట్టి దర్శకత్వం వహించిన ఈ చిత్రంలో కరీనా కపూర్, అక్షయ్ కుమార్, టైగర్ ష్రాఫ్, అర్జున్ కపూర్ కూడా నటించారు. సింగం ఫ్రాంచైజీలో ఇది మూడో సినిమా. 2011లో సింగంతో ఫ్రాంచైజీ ప్రారంభమైంది. ఆ తర్వాత 2014లో `సింగం ఎగైన్` వచ్చింది. రెండు సినిమాలు కమర్షియల్‌గా విజయం సాధించాయి. ఈ చిత్రం శెట్టి కాప్ విశ్వంలో ఒక భాగం. ఇది బాక్సాఫీస్ వద్ద కార్తీక్ ఆర్యన్ `భూల్ భూలయ్యా 3`తో ఢీకొంటుంది. అజయ్ దేవగన్ న‌టించిన `సన్ ఆఫ్ సర్దార్ 2` కూడా విడుద‌ల

కావాల్సి ఉంది. ఈ సినిమా షూటింగ్ యూకేలో జరుగుతోంది.

సింగం 3 స్ఫూర్తి ఇదే:

అయితే తాజా స‌మాచారం మేర‌కు.. దర్శకుడు రోహిత్ శెట్టి `రామాయణం` నుండి ప్రేరణ పొంది సింగం 3ని తెర‌కెక్కించార‌ని తెలుస్తోంది. ఈ చిత్రంలో రాముడిగా అజయ్, సీతగా కరీనా కపూర్, లక్ష్మణుడిగా అక్షయ్ కుమార్, హనుమంతుడిగా రణవీర్ సింగ్, రావణుడిగా అర్జున్ కపూర్ నటిస్తున్నారని కొంద‌రు పాత్ర‌ల్ని విశ్లేషించారు.

ఈ ఎపిక్ డ్రామాలో రామ్ లంక ప్రయాణానికి సమాంతరంగా.. అర్జున్ కపూర్ (రావ‌ణ్‌) విలన్ పాత్రను ఎదుర్కోవడానికి సింగం అతడి సుశిక్షితులైన‌ పోలీసుల బృందం శ్రీలంకకు వెళుతుంది. దీనిని బ‌ట్టి రామాయ‌ణం థీమ్ లైన్ ఆధారంగానే రోహిత్ శెట్టి తెలివిగా సింగం 3 ని ప్లాన్ చేసార‌ని గుస‌గుస వినిపిస్తోంది. కాప్ విశ్వంలో ఒక భాగమైన ఈ చిత్రంలో సింబా, సూర్యవంశీ, లేడీ సింగం, సత్య వంటి పాత్రలను సింగం 3లో చూడొచ్చు. ఈ సినిమా ఈ సీజ‌న్ లో 500 కోట్ల క్ల‌బ్ అందుకోగ‌ల‌ద‌ని కూడా అభిమానులు విశ్లేషిస్తున్నారు.