ఈగల్ 'అనుపమ'ను యూత్ రిసీవ్ చేసుకుంటారా?

టాలీవుడ్ లో వరుస ఛాన్సులు దక్కించుకుంటూ దూసుకుపోతున్న బ్యూటీ అనుపమ పరమేశ్వరన్. ఇటీవలే మాస్ మహారాజా రవితేజతో కలిసి ఈగల్ మూవీతో ప్రేక్షకుల ముందుకు వచ్చింది. దీంతోపాటు డీజే టిల్లు ఫేమ్ సిద్ధు జొన్నలగడ్డ హీరోగా రాబోతున్న టిల్లు స్క్వేర్ సినిమాతో కూడా త్వరలోనే సందడి చేయనుంది. జయం రవి, కీర్తి సురేష్‌ కీలక పాత్రల్లో నటించిన సైరెన్‌ లోనూ అనుపమ నటిస్తోంది. మరో మలయాళ సినిమా కూడా చేస్తోది.

అలా వరుస సినిమాలతో బిజీగా ఉన్న ఈ అమ్మడు.. ఈగల్ మూవీతో సూపర్ హిట్ కొట్టేసింది. అందులో అనుపమ లీడ్ రోల్ పోషించి మంచి మార్కులు సంపాదించుకుంది. హీరో ఫ్లాష్ బ్యాక్ చెప్పే జర్నలిస్ట్ పాత్రలో కనిపించి తన నటనతో ఆకట్టుకుంది. ఇంతకుముందు అన్ని సినిమాల్లో ఫుల్ గ్లామరస్ రోల్స్ లో కనిపించిన ఈ బ్యూటీ.. ఈగల్ లో మాత్రం పూర్తిగా డీ గ్లామరస్ పాత్రలో నటించింది.

అయితే ఈగల్ లో చేసిన క్యారెక్టర్ కు విరుద్ధంగా సిద్ధు టిల్లు స్క్వేర్ లో కనిపించనుంది అనుపమ. ఫుల్ గ్లామరస్ గా టీజర్ తోపాటు గ్లింప్స్ లో కనిపిస్తోంది. హీరోతో ఘాటు రొమాన్స్ చేస్తున్నట్లు పోస్టర్లలో పోజులు ఇచ్చింది. ఇటీవలే రిలీజైన టిల్లు స్క్వేర్ గ్లింప్స్ లో కూడా అనుపమ యమా స్టైలిష్ గా కనిపించింది. ఈగల్ లో మాత్రం ఫుల్ డీ గ్లామరస్ లుక్ లో నటించింది.

దీంతో టిల్లు స్క్వేర్ లో నటించిన అనుపమ, ఈగల్ లో అనుమమ ఒకరేనా అని చాలా మంది నెటిజన్లు ఆశ్చర్యపోతున్నారట. అయితే ఈగల్ సినిమాలో ఈ బ్యూటీని డీ గ్లామరస్ రోల్ లో చూసిన నెటిజన్లు.. టిల్లు స్క్వేర్ లో అనుపమను ఎలా రిసీవ్ చేసుకుంటారో చూడాలని సినీ పండితులు అంటున్నారు. కానీ ఏ రోల్ అయినా అనుపమ అదరగొడుతుందని, టిల్లు స్క్వేర్ తో సూపర్ హిట్ కొడుతుందని ఫ్యాన్స్ చెబుతున్నారు.

ఇక ఇటీవలే ఈగల్ మూవీ ప్రీ రిలీజ్ ఈవెంట్ లో చేసిన ఓ పనితో అనుపమ ఇప్పటికీ ట్రెండ్ అవుతోంది. డైరెక్టర్ కార్తీక్ ఘట్టమనేనితో ఇప్పటికే నాలుగు సినిమా చేసిన అనుపమ.. ఆయనకు స్టేజ్ పైనే రాఖీ కట్టేసింది. అన్నయ్యా అంటూ పిలుస్తూ ఆత్మీయంగా హగ్ ఇచ్చింది. అయితే చాలా ఫ్రెండ్లీగా జోవియల్ గా మూవ్ అయ్యే అతి కొద్ది మంది హీరోయిన్లలో అనుపమ ఒకరు అంటూ ఫ్యాన్స్ కొనియాడుతున్నారు.