అనుప‌మ‌కు ఇంత ఇదిగా ఎవ‌రూ ప్ర‌పోజ్ చేసి ఉండ‌రు!

క్యూట్ క్యూట్ న‌వ్వుల‌తో అల్ల‌ర‌ల్ల‌రి చేస్తూ గుండె గిల్లేస్తుంది మ‌ల‌యాళీ బ్యూటీ అనుప‌మ ప‌ర‌మేశ్వ‌ర‌న్. అందుకే జయాప‌జ‌యాల‌తో సంబంధం లేకుండా టాలీవుడ్ లో ద‌శాబ్ధ కాలం కెరీర్ ని న‌డిపించేసింది. ఇప్ప‌టికీ అదే క్యూట్ నెస్.. అంద‌మైన న‌వ్వు.. న‌టిగా ఈజ్.. అందుకే కుర్ర‌కారు ప‌డి చ‌స్తున్నారు. వ‌రుస‌గా యూత్ ఫుల్ ల‌వ్ స్టోరీస్ లో అవ‌కాశాలు అందుకుంటున్న అనుప‌మ ఇప్పుడు టిల్లుగాడితో ప్రేమాయ‌ణం న‌డిపిస్తోంది. టిల్లు స్క్వేర్ లో సిద్ధు జొన్న‌ల‌గ‌డ్డ స‌ర‌స‌న న‌టించింది. ఈ మూవీ నెలాఖ‌రున విడుద‌ల‌వుతున్నందున ప్ర‌స్తుతం ప్ర‌చారంలో బిజీగా ఉంది.

నిన్న సాయంత్రం ప్ర‌చార ఈవెంట్లో గ‌మ్మ‌త్త‌యిన విష‌యం ఒక‌టి జ‌రిగింది. అనుప‌మ అంద‌మైన చీర‌లో స్పెష‌ల్ గా త‌యారై ఈ ఈవెంట్ కి అటెండయింది. వేదిక‌పై త‌న టీమ్ తో పాటు అశీనురాలైన ఈ భామ‌కు మీడియా నుంచి ప్ర‌శ్న‌లు ఎదుర‌య్యాయి. వాటన్నిటికీ ఎంతో తెలివిగా జ‌వాబులు చెప్పింది. నాలో అందం పెరిగింద‌ని అంటున్నందుకు చాలా థాంక్స్ అంటూ మురిసిపోయిన అనుప‌మ‌కు ఇదే వేదిక వ‌ద్ద ఒక అభిమాని నుంచి ప్ర‌పోజ‌ల్ కూడా అందింది.

ఒక అభిమాని అనుప‌మ‌పై త‌న ప్రేమ‌ను దాచుకోలేక‌పోయాడు. అత‌డు మాట్లాడుతూ.. న‌టిగా ఎదిగే క్ర‌మంలో మీపై ప్రేమ పెరిగింది. మీరంటే ఎంతిష్ట‌మో మీ మూవీలో డైలాగ్ తోనే చెబుతాను అనూ.. నేను ల‌వ్ చేయ‌డం త‌ప్పేమో కానీ అనూ .. మిమ్మ‌ల్ని ల‌వ్ చేయ‌డం త‌ప్పు కాదు.. అంటూ ఎమోష‌న‌ల్ అయ్యాడు. దీంతో పాటే సుదీర్ఘ‌మైన డైలాగ్ ని చెప్పాడు.

ఈ భూమ్మీద 800 కోట్ల మంది జ‌నం ఉన్నారు. అందులో 5000 మంది మీకు ప‌రిచ‌యం అయి ఉంటారు.. అందులో 4000 మందితో క‌లిసి చ‌దివి ఉంటారు. అందులో ఒక 100 మంది క్లోజ్ అయి ఉంటారు. అందులో 20 మందికి మీరు త‌ప్ప‌క న‌చ్చేస్తారు. అందులో 10 మంది ధైర్యం చేసి ఐ ల‌వ్ యు చెబితే నేను ఆల్రెడీ మ‌న‌సిచ్చేశాను.. అత‌డే నావాడు అని మీరు అనేస్తార‌ని ముందే ఇదంతా చెబుతున్నాను అనూ.. ఆ అత‌డు నేనే అవ్వాల‌ని నా కోరిక‌. ఇప్పుడు ఇదంతా ఆపేసి ఇంకొక్క‌సారి ఐ ల‌వ్ యు చెబుతాను.. ఐ ల‌వ్ యు అనూ..అంటూ త‌న‌దైన శైలిలో ప్ర‌పోజ్ చేసాడు స‌ద‌రు అభిమాని. దానికి చ‌ప్ప‌ట్ల‌తో గ్యాల‌రీ సంద‌డిగా మారింది.

ఇక్క‌డికి వ‌చ్చేప్పుడే గిఫ్ట్ తో వ‌ద్దామ‌నుకున్నాను . కానీ మీమీద ప్రేమ‌కు స‌రిప‌డే గిఫ్ట్ ఏదీ దొర‌క‌లేదు. దొరికింది ఒకే ఒక్క‌టి.. దిసీజ్ మీ.. నా జీవితం మీకే అంకితం.. అని అత‌డు క్యూట్ బ్యూటీ అనుప‌మ ప‌ర‌మేశ్వ‌ర‌న్ మీద ప్రేమ‌ను కురిపించాడు. అత‌డిని త‌థేకంగా చూస్తూ ఆశ్చ‌ర్యంలో ఉండిపోయిన అనుప‌మ థాంక్యూ సోమ‌చ్ అంటూ కిల‌కిలా న‌వ్వేసింది. టిల్లు స్క్వేర్ మార్చి నెలాఖ‌రున విడుద‌ల‌వుతున్న సంగ‌తి తెలిసిందే.