అనుష్క ఫుల్ ఖుషి..!

నిశ్శబ్ధం సినిమా తర్వాత అనుష్క అసలు సినిమాలు చేస్తుందా అంతటితో ఫుల్ స్టాప్ పెడుతుందా అన్న అనుమానాలు వచ్చాయి. 3 ఏళ్ల గ్యాప్ తీసుకున్న స్వీటీ లేటెస్ట్ గా మిస్ శెట్టి మిస్టర్ పొలిశెట్టి సినిమాతో ప్రేక్షకుల ముందుకు వచ్చింది. మహేష్ బాబు డైరెక్షన్ లో తెరకెక్కిన ఈ సినిమాను యువి క్రియేషన్స్ బ్యానర్ లో వంశీ ప్రమోద్ లు నిర్మించారు. నవీన్ పొలిశెట్టి మేల్ లీడ్ గా నటించిన ఈ సినిమాలో అనుష్క హీరోయిన్ గా నటించడం స్పెషల్ ఎట్రాక్షన్ గా నిలిచింది. శుక్రవారం రిలీజైన ఈ సినిమాకు పాజిటివ్ టాక్ వచ్చింది.

నవీన్ పొలిశెట్టి అద్భుతమైన ప్రతిభ.. అనుష్క స్క్రీన్ ప్రెజెన్స్ కలిసి మిస్ శెట్టి మిస్టర్ పొలిశెట్టి ఆడియన్స్ కి మంచి ఎంటర్టైన్మెంట్ అందిస్తుంది. ఈ సినిమా సైన్ చేసే విషయంలో కాస్త ఆలోచించిన అనుష్క సినిమాకు వస్తున్న రెస్పాన్స్ చూసి ఖుషి అవుతుంది. కొన్ని సినిమాలు కథగా చెప్పుకునేందుకు మామూలుగానే ఉంటాయి కానీ తెర మీద నటీనటుల పర్ఫార్మెన్స్ తో సినిమా వేరే లెవెల్ కి వెళ్తుంది. మహేష్ బాబు రాసుకున్న మిస్ శెట్టి మిస్టర్ పొలిశెట్టి కథ కూడా అంతే. అద్భుతం అమోఘం ఇదివరకు ఎప్పుడు రాని కథ అని చెప్పలేం కానీ రాసుకున్న కథను ప్రేక్షకులకు చేరవేసే యాక్టర్స్ ని ఎంపిక చేసుకోవడం వల్ల అతను సక్సెస్ అయ్యాడు.

నవీన్, అనుష్క అసలు ఈ కాంబో సినిమా అసలు ఊహించలేరు. కానీ కథ వారిద్దరిని కలిసి నటించేలా చేసింది. ఇన్నేళ్ల గ్యాప్ తర్వాత అనుష్క సైన్ చేసిన సినిమాకు హిట్ టాక్ రావడం ఆమెకు ఉత్సాహాన్ని ఇచ్చింది. నిశ్శబ్ధం సినిమా నిరాశ పరిచినా సరే మిస్ శెట్టి మిస్టర్ పొలిశెట్టి వల్ల అనుష్క హ్యాపీగా ఉంది. ఈ సినిమా రిజల్ట్ మీదే తన నెక్స్ట్ సినిమాలు ఆధారపడి ఉంటాయని భావించిన అనుష్క ప్రేక్షకుల్లో తన క్రేజ్ చూసి వరుస సినిమాలు చేయాలని అనుకుంటుందని చెప్పొచ్చు.

నవీన్ అనుష్క ఈ సినిమాలో ఇద్దరు తమ బెస్ట్ చూపించారు. ఏజెంట్ సాయి శ్రీనివాస్ ఆత్రేయ, జాతిరత్నాలు తర్వాత నవీన్ మరోసారి తన టాలెంట్ తో ఆడియన్స్ ని మెప్పించాడు. ఇక అనుష్క కూడా తనదైన పాత్రతో మెప్పించింది. ఈ సినిమాతో నవీన్ హ్యాట్రిక్ హిట్ అందుకున్నాడు. బాహుబలి భాగమతి తర్వాత అనుష్క మిస్ శెట్టి మిస్టర్ పొలిశెట్టితో సక్సెస్ అందుకుంది.