ప్రమోషన్స్ కి అనుష్క దూరం.. కారణం అదేనా..?

నిశ్శబ్ధం సినిమా తర్వాత 3 ఏళ్లు గ్యాప్ తీసుకున్న స్వీటీ అనుష్క వచ్చే వారం మిస్ శెట్టి మిస్టర్ పొలిశెట్టి సినిమాతో ప్రేక్షకుల ముందుకు వస్తుంది. ఈ సినిమాలో నవీన్ పొలిశెట్టి తో జత కట్టింది అనుష్క. బాహుబలి, భాగమతి, నిశ్శబ్ధం ఈ సినిమాల తర్వాత కెరీర్ పరంగా చాలా గ్యాప్ తీసుకుంది అనుష్క. ముఖ్యంగా తన లుక్స్ విషయంలో ఇప్పటికీ కొంత అసంతృప్తిగానే ఉంది అమ్మడు. సైజ్ జీరో సినిమా కోసం బాగా బరువు పెరిగిన అనుష్క ఆ సినిమా టైం నుంచి ఎంత తగ్గాలని ప్రయత్నిస్తున్నా వర్క్ అవుట్ అవ్వట్లేదు. ఆమధ్య కాస్త స్లిం గా మారిందని అనిపించినా మళ్లీ ఆమె బరువు పెరుగుతుందని తెలుస్తుంది.

ఇక సినిమాలకు మరీ గ్యాప్ ఎక్కువ ఇస్తే బాగోదన్న కారణంతో నవీన్ తో మిస్ శెట్టి మిస్టర్ పొలిశెట్టి సినిమా చేసింది అమ్మడు. ఈ సినిమాలో ఎంత కెమెరా ట్రిక్ తో అనుష్కని స్లిమ్ గా చూపించాలని చూసినా అక్కడక్కడ అనుష్క బొద్దుగా కనిపించింది. ఇక ఈ సినిమా రిలీజ్ దగ్గర పడుతున్నా సరే అనుష్క ప్రమోషన్స్ కి దూరంగా ఉంటూనే ఉంది. ఇప్పటివరకు మిస్ శెట్టి మిస్టర్ పొలిశెట్టి ప్రమోషన్స్ లో పాల్గొనలేదు అనుష్క. ప్రస్తుతానికి హీరో నవీన్ ఒక్కడే సోలోగా ప్రమోషన్స్ చేస్తూ సినిమాకు కావాల్సిన హైప్ తీసుకొచ్చే ప్రయత్నం చేస్తున్నాడు.

అనుష్క మాత్రం మిస్ శెట్టి మిస్టర్ పొలిశెట్టి సినిమా ప్రమోషన్స్ కు దూరంగా ఉంటుంది. టీం అంతా కలిసి ఓ ఇంటర్వ్యూ ఇవ్వాలని ప్రయత్నిస్తున్నారని తెలుస్తుంది. అయితే అనుష్క దానికి కూడా సుముఖంగా లేదని టాక్. అసలు అనుష్క సినిమా ప్రమోషన్స్ కి ఎందుకు నిరాకరిస్తుంది అంటే తన లుక్సే కారణమని అంటున్నారు. బొద్దుగా ఉన్న అనుష్క కొన్నాళ్లుగా మీడియా ముందుకు రాకుండా ఉంది. అయితే అడపాదడపా సోషల్ మీడియాలో ఫ్యామిలీ ఫోటోలు షేర్ చేస్తూ వస్తున్న అనుష్క మీడియా ముందుకు వచ్చేందుకు మాత్రం ఆసక్తిగా లేదు.

కేవలం తన ఫిజిక్ కారణంగానే ప్రమోషన్స్ కి అనుష్క నో చెబుతుందని చెప్పుకుంటున్నారు. ఈ వార్తల్లో ఎంతవరకు వాస్తవం ఉంది అన్నది తెలియదు కానీ సినిమాలో నటించిన హీరోయిన్ ప్రమోషన్స్ కి పాల్గొనకపోతే కాస్త ఇబ్బందిగానే ఉంటుంది. సోలోగా నవీన్ బాగానే కవర్ చేస్తున్నా అనుష్క మాత్రం సైలెంట్ గా ఉంటుంది. ఈ సినిమా సక్సెస్ అయితే ఆ క్రెడిట్ మొత్తం నవీన్ పొలిశెట్టికే దక్కుతుందని మాత్రం చెప్పొచ్చు.