అనుష్క శెట్టి… ఇంత సడన్ గా ఎందుకిలా?

టాలీవుడ్ లో స్టార్ హీరోయిన్ గా తిరుగులేని ఇమేజ్ సొంతం చేసుకున్న అందాల భామ అనుష్క శెట్టి. బాహుబలి సిరీస్ తో అనుష్క శెట్టి పాన్ ఇండియా స్టార్ గా మారిపోయింది. అయితే అంత క్రేజ్ వచ్చినా కూడా ఆ చిత్రం తర్వాత అనుష్క సెలక్టివ్ గా మూవీస్ చేస్తోంది. బాహుబలి 2 తర్వాత చాలా గ్యాప్ తీసుకొని నిశ్శబ్దం అనే సినిమా చేసింది. ఆ మూవీ డిజాస్టర్ అయ్యింది.

స్కా తరువాత గత ఏడాది మిస్ శెట్టి మిస్టర్ పొలిశెట్టి సినిమాతో అనుష్క ప్రేక్షకుల ముందుకొచ్చింది. ఈ మూవీ సూపర్ హిట్ అయ్యింది. బాహుబలి 2 తర్వాత అనుష్క కాస్తా బొద్దుగా మారింది. అయితే మిస్ శెట్టి మిస్టర్ పొలిశెట్టి సినిమాలో నాజూకుగా మారి తన అందం, అభినయంతో అనుష్క కట్టిపడేసింది. ప్రస్తుతం క్రిష్ దర్శకత్వంలో ఓ సినిమాలో అనుష్క నటిస్తోంది.

అలాగే మలయాళీలో ఓ పాన్ ఇండియా చిత్రంలో కూడా చేస్తోంది. ఈ రెండు కాకుండా కొన్ని కథలు డిస్కషన్స్ స్టేజ్ లో ఉన్నట్లు టాక్. ఇదిలా ఉంటే అనుష్క శెట్టి సోషల్ మీడియాలో అంత యాక్టివ్ గా ఉండదు. స్టార్ హీరోయిన్స్ అందరూ కూడా రెగ్యులర్ గా సోషల్ మీడియాలో ఫొటోస్, అప్డేట్స్ అప్లోడ్ చేస్తూ యాక్టివ్ గా ఉంటారు. విపరీతంగా ఫాలోవర్స్ ని పెంచుకుంటారు.

సౌత్ లో అత్యధిక ఫాలోవర్స్ ఉన్న హీరోయిన్స్ గా సమంత ఉంది. వర్ధమాన తారలు కూడా తమకొచ్చిన సెలబ్రెటీ ఇమేజ్ తో సోషల్ మీడియా ఫాలోయింగ్ పెంచుకునే ప్రయత్నం చేస్తారు. అయితే ఈ విషయంలో అనుష్క కాస్తా స్లో ఫేజ్ లో ఉందని చెప్పొచ్చు. ఎప్పుడో ఒకసారి ఆమె తన ఇన్ స్టాగ్రామ్ లో ఫోటోలు షేర్ చేస్తూ ఉంటుంది.

ఇన్ స్టాలో అనుష్క శెట్టికి 6.8 మిలియన్ ఫాలోవర్స్ ఉన్నారు. వీరిలో మెజారిటీ మంది అనుష్కని హార్డ్ కోర్ గా ఇష్టపడేవారు ఉంటారని టాక్. ఇదిలా ఉంటే తాజాగా అనుష్క ఇన్ స్టాగ్రామ్ లో ఓ లుక్ పిక్చర్ షేర్ చేసింది. దేవసేన తరహాలో ఉన్న పిక్ ని సడెన్ గా ఇన్ స్టాగ్రామ్ లో షేర్ చేయడం వెనుక ఆంతర్యం ఏంటనే ప్రశ్న వినిపిస్తోంది.

బహుశా ఈ లుక్ తన కొత్త సినిమాలోనిదా లేదంటే బాహుబలి, సైరా సినిమాలకు సంబంధించిదా అనే డౌట్స్ వస్తున్నాయి. ఏదేమైనా అనుష్క అప్పుడప్పుడు తన ఉనికిని చాటుకునేందుకు ఇలా సడన్ ట్విస్ట్ ఇస్తోంది. అయితే ఈ లుక్ లో అనుష్క శెట్టి అప్సరసకి మించిన అందంతో మెరిసిపోతోంది. అందమే ఆమె ఆభరణంగా కనిపిస్తోంది. ఈ ఫోటోని 8 గంటల్లో 1.18 లక్షల మంది ఇన్ స్టాగ్రామ్ లో లైక్ చేయడం విశేషం.