మరో బిగ్ మూవీలో అనుష్క?

అనుష్క శెట్టి టాలీవుడ్ లో స్టార్ హీరోయిన్ గా తిరుగులేని ఇమేజ్ ని సొంతం చేసుకుంది. బాహుబలి సిరీస్ ఆమె రేంజ్ ని అమాంతం పెంచేసింది. అయితే బాహుబలి తర్వాత అనుష్క నుంచి ఇప్పటి వరకు మూడు సినిమాలు మాత్రమే వచ్చాయి. వాయిలో నిశ్శబ్దం మూవీ డిజాస్టర్ అయ్యింది. మిగిలిన రెండు హిట్ అయ్యాయి. తాజాగా మిస్ శెట్టి మిస్టర్ పొలిశెట్టి సినిమాతో సూపర్ హిట్ ని ఖాతాలో వేసుకుంది.

ఈ మూవీ రిలీజ్ తర్వాత అనుష్క గురించి టాలీవుడ్ లో మళ్ళీ చర్చ మొదలైంది. చాలా రోజులుగా ఈ బ్యూటీ మీడియాకి కూడా దూరంగా ఉంటోంది. ఏవో కారణాలు చెప్పి మిస్ శెట్టి మిస్టర్ పొలిశెట్టి ప్రమోషన్స్ కి కూడా దూరంగా ఉంది. అయితే సినిమాలు మాత్రం చేస్తోంది. ఇప్పటికే మలయాళంలో భారీ బడ్జెట్ తో తెరకెక్కుతోన్న పాన్ ఇండియా మూవీలో అనుష్క నటించడానికి గ్రీన్ సిగ్నల్ ఇచ్చింది.

ఈ మూవీ షూటింగ్ ప్రస్తుతం జరుగుతోంది. అలాగే తమిళంలో కూడా ఒక సినిమాకి ఒకే చెప్పిందంట. తెలుగులో కూడా ఓ మూవీకి సంబందించి చర్చలు జరుగుతున్నాయంట. అది పాన్ ఇండియా మూవీ అని తెలుస్తోంది. సోషియో ఫాంటసీ కథతో ఓ స్టార్ హీరో, యంగ్ డైరెక్టర్ కాంబినేషన్ లో తెరకెక్కనున్న ఈ సినిమాలో అనుష్కని హీరోయిన్ గా తీసుకోవాలని అనుకుంటున్నారంట.

అనుష్క హోమ్ బ్యానర్ లాంటి ప్రొడక్షన్ లోనే ఈ చిత్రం తెరకెక్కనుంది. దర్శకుడు కథ చెప్పే పనిలో ఉన్నట్లు టాక్ వినిపిస్తోంది. ఈ మూవీలో హీరోయిన్ గా అనుష్క కన్ఫర్మ్ అయితే మాత్రం కచ్చితంగా రేర్ కాంబినేషన్ అవుతుంది. ఎందుకంటే ఇప్పటి వరకు వీరిద్దరూ జోడీగా మూవీ రాలేదు. ఆమె కన్ఫర్మేషన్ ఇస్తే అఫీషియల్ గా ఎనౌన్స్ చేయాలని అనుకుంటున్నారంట.

అయితే ఈ బ్యూటీ ప్రస్తుతం ఫిట్ నెస్ పై దృష్టి పెట్టి స్లిమ్ అయ్యే పనిలో ఉన్నట్లుగా టాక్ నడుస్తోంది. అందుకే మీడియాకి కూడా కనిపించడం లేదని సమాచారం. ఏది ఏమైనా అనుష్క నెక్స్ట్ చేయబోయే తెలుగు సినిమా కోసం ఆమె అభిమానులు వేయి కళ్ళతో ఎదురుచూస్తున్నారు.