ఐదేళ్ల తర్వాత ఆ గొంతు మళ్లీ...!

సంగీత దర్శకుడు, సినీ గాయకుడు అర్జిత్ సింగ్‌ తెలుగు లో 2010 నుంచి 2018 మధ్యలో పలు సూపర్ హిట్ సాంగ్స్ ని పాడి శ్రోతలను అలరించాడు. ఆయన చివరిగా 2018 లో హుశారు సినిమా కోసం ఉండిపోరాదే పాట పాడాడు. ఆ పాట కూడా సూపర్ హిట్ అయ్యి ఇప్పటికి కూడా యూత్‌ లో మంచి ఫాలోయింగ్ ఉంది.

అర్జిత్ సింగ్‌ బిజీ షెడ్యూల్‌ ఇతర కారణాల వల్ల తెలుగు లో గత ఐదు సంవత్సరాలుగా పాట పాడటం లేదు. ఎట్టకేలకు ఆయన పాటను ఈ ఏడాది వినే అవకాశం శ్రోతలకు దక్కబోతుంది. ఈ ఏడాది ఇప్పటికే ఆయన ఎన్టీఆర్‌ దేవర సినిమా కోసం ఒక పాట పాడాడు అంటూ వార్తలు వస్తున్నాయి.

తాజాగా ఓం భీమ్‌ బుష్‌ సినిమా కోసం రెండు పాటలు పాడాడు. అర్జిత్‌ సింగ్ గత పాటల మాదిరిగానే ఈ సినిమా పాటలు కూడా హిట్‌ అవుతాయనే నమ్మకంను యూనిట్‌ సభ్యులు వ్యక్తం చేస్తున్నారు. ఎప్పుడెప్పుడు ఆ పాటలు వస్తాయా అంటూ ఆసక్తిగా ఎదురు చూస్తున్నారు.

గుప్త నిధుల కోసం ముగ్గురు శాస్త్రవేత్తలు చేసే ప్రయత్నాలను వినోదాత్మకంగా చూపించే సినిమా ఓం భీమ్ బష్‌. ఈ సినిమాలో శ్రీ విష్ణు తో పాటు రాహుల్‌ రామకృష్ణ మరియు ప్రిదర్శిలు ముఖ్య పాత్రల్లో కనిపించబోతున్నారు. ఈ సినిమా కి శ్రీ హర్ష కోనుగంటి దర్శకత్వం వహించారు. ఈనెలలోనే ప్రేక్షకుల ముందుకు రాబోతుంది.