క‌త్రిన హేట్ క్ల‌బ్‌.. యువ‌హీరో కుట్ర‌లు కుతంత్రాలు

ఒక న‌టిని పిచ్చిగా ఆరాధించడం... ఆ న‌టి నుంచి ఊహించ‌ని తిర‌స్క‌ర‌ణ‌ ఎదురైతే త‌నకు వ్య‌తిరేకంగా `హేట్ క్ల‌బ్` గ్రూప్ ప్రారంభించడం.. దానిలో త‌న గురించి చ‌ర్చించ‌డం.. ఇలాంటి పిచ్చి ప‌ని ఎవ‌రైనా చేసారా? అంటే..క‌చ్ఛితంగా యువ‌హీరో అర్జున్ క‌పూర్ వైపే వేలెత్తి చూపించాలి. అత‌డు త‌న స‌హ‌చ‌రుడైన‌ వ‌రుణ్ ధావ‌న్ తో క‌లిసి క‌త్రిన హేట్ క్ల‌బ్ వాట్సాప్ గ్రూప్‌ని విజ‌య‌వంతంగా ర‌న్ చేసాడు. అందులో క‌త్రినపై ప్రేమ, అభిమానంతో కూడుకున్న హేట్ ని ప్రచారం చేసాడు. నిజానికి క‌త్రిన‌పై ఎందుకంత హేట్? అంటే అది క‌చ్ఛితంగా అంతులేని అభిమానం అని అంగీక‌రించాడు అర్జున్. వివ‌రాల్లోకి వెళితే..

రోహిత్ శెట్టి `సింగం ఎగైన్`లో విల‌న్ గా న‌టించాడు అర్జున్ క‌పూర్. ఇటీవ‌లే విడుద‌లైన ఈ చిత్రం బ్లాక్ బ‌స్ట‌ర్ విజ‌యం సాధించిన సంగ‌తి తెలిసిందే. ఈ చిత్రంలో అర్జున్ క‌పూర్ న‌ట‌న‌కు ప్రేక్ష‌కుల‌తో పాటు విమ‌ర్శ‌కులు ప్ర‌శంస‌లు కురిపించారు. అర్జున్ క‌పూర్ న‌ట‌న చూసి అత‌డి తండ్రి బోనీకపూర్ కూడా ఆశ్చ‌ర్య‌పోయాడు. త‌నయుడి న‌ట‌న‌లో ప‌రిణ‌తిపై ప్ర‌శంస‌లు కురిపించాడు. తాజా ఇంట‌ర్వ్యూలో అర్జున్ క‌పూర్ తాను అమితంగా ఆరాధించే న‌టీన‌టుల గురించి ప్ర‌స్థావించాడు. బాలీవుడ్ స్టార్ల‌లో క‌త్రిన కైఫ్‌, హృతిక్ రోష‌న్ ల‌పై త‌న అభిమానాన్ని దాచుకోలేదు. క‌త్రిన‌, హృతిక్ న‌టించిన సినిమాల‌ను చూసి వారిని ఎంత‌గా ఆరాధించాడో కూడా అర్జున్ వెల్ల‌డించాడు.

అయితే ధావ‌న్ తో క‌లిసి క‌త్రిన హేట్ క్ల‌బ్ న‌డ‌ప‌డం వెన‌క కార‌ణాన్ని అర్జున్ ఇలా వివ‌రించాడు. క‌త్రిన త‌మ‌కు ఎలాంటి ప్రాముఖ్య‌త‌ను ఇవ్వ‌క‌పోవ‌డ‌మే దీనికి కార‌ణ‌మ‌ని అన్నాడు. ``మేం ఒకప్పుడు కత్రిన‌ను ద్వేషించలేదు.. ఆ స‌మ‌యంలో మాతో క‌త్రిన‌ చాలా సూటిగా ఉండేదని బాధపడ్డాము. మాపై ప్ర‌తిసారీ ఫైర్ అయ్యేది. క‌త్రిన‌ మాకు ఎటువంటి ప్రాముఖ్యతను ఇవ్వలేదు`` అని అర్జున్ అన్నాడు. కానీ క‌త్రిన‌ను తాము ఎంత‌గా అభిమానిస్తామో, ఆరాధిస్తామో కూడా అత‌డు త‌న మాట‌ల్లో చెప్పుకొచ్చాడు.

క‌త్రిన న‌టించిన 2008 యాక్షన్ థ్రిల్లర్ `రేస్‌` సినిమాను అర్జున్ గుర్తు చేసుకున్నాడు. కత్రినా `రేస్` మూవీ చేసినప్పుడు.. ముఖ్యంగా పాటల్లో క‌నిపించిన‌ విధానం.. ప్ర‌ద‌ర్శ‌న‌, తనదైన శైలి మైమ‌రిపించాయి. క్యాట్ నా స్నేహితురాలు కాబట్టి త‌ను పాటలలో ఎలా ఉందో .. రేస్ కోసం ఎంతగా కష్టపడిందో అది ఇత‌రుల‌కు ఒక మార్గ‌ద‌ర్శ‌నంగా మారిన విధానాన్ని గ‌మ‌నించాను.. అని అన్నారు. క‌త్రిన ఎన‌ర్జీ.. స్క్రీన్ కమాండ్ త‌న అత్యుత్త‌మ ప్ర‌ద‌ర్శ‌న‌ అద్భుతం అని ప్ర‌శంసించారు అర్జున్.

హృతిక్ రోషన్ `ధూమ్ 2`లో ప్ర‌ద‌ర్శ‌న‌కు ఫిదా అయ్యాన‌ని అర్జున్ అన్నారు. ధూమ్ 2 చూసిన తర్వాత అతడి ప్రేమలో ప‌డిపోయాన‌ని గుర్తు చేసుకున్నాడు. నేను ఎప్పటికీ మరచిపోలేనిది అని అన్నారు. ధూమ్ 2 చూసి బయటకు వచ్చినప్పుడు హృతిక్ రోషన్‌పై `సెమీ ల‌స్టింగ్‌`లో ఉన్నాను అని అన్నారు. నేను మళ్లీ సినిమా చూడాలనుకున్నాను.. ఒక మనిషి తెర‌పై ఇంత అందంగా ఎలా కనిపించగలడు? అని ఆశ్చ‌ర్య‌పోయాను. క్ర‌ష్ మ్యాన్ అని అనుకున్నాను అని అర్జున్ వ్యాఖ్యానించాడు.