బన్నీ వద్దకు వెళ్లేందుకు ప్రయత్నించిన అర్జున్ రెడ్డి...!
విజయ్ దేవరకొండ హీరోగా సందీప్ వంగ దర్శకత్వంలో వచ్చిన అర్జున్ రెడ్డి టాలీవుడ్‌ లో ట్రెండ్‌ సెట్టర్ మూవీగా నిలిచింది అనడంలో ఎలాంటి సందేహం లేదు.
By: Tupaki Desk | 6 Jan 2024 6:01 AM GMT
విజయ్ దేవరకొండను రౌడీ స్టార్‌ చేసిన సినిమా, సందీప్ వంగను పాన్ ఇండియా స్టార్‌ దర్శకుడిగా మార్చిన సినిమా ఏది అంటే ఠక్కున చెప్పే పేరు 'అర్జున్ రెడ్డి'. విజయ్ దేవరకొండ హీరోగా సందీప్ వంగ దర్శకత్వంలో వచ్చిన అర్జున్ రెడ్డి టాలీవుడ్‌ లో ట్రెండ్‌ సెట్టర్ మూవీగా నిలిచింది అనడంలో ఎలాంటి సందేహం లేదు.
తెలుగు లో హిట్ అయిన అర్జున్ రెడ్డి సినిమా ను హిందీలో కబీర్‌ సింగ్ అంటూ రీమేక్ చేసి భారీ విజయాన్ని సొంతం చేసుకోవడం జరిగింది. తెలుగు లో కంటే కూడా ఎక్కువగా హిందీ లో అర్జున్ రెడ్డి విజయాన్ని సొంతం చేసుకోవడం జరిగింది.
తాజాగా ఒక ఇంటర్వ్యూలో దర్శకుడు సందీప్ వంగ మాట్లాడుతూ అర్జున్ రెడ్డి వంగ వెనుక స్టోరీని చెప్పుకొచ్చాడు. 2011 సంవత్సరంలోనే దర్శకుడిగా అల్లు అర్జున్ తో ఒక సినిమాను చేసేందుకు ప్రయత్నించాను. కాని ఆ సమయంలో కథ పట్ల అల్లు అర్జున్ ఆసక్తి చూపించలేదు అని సందీప్ వంగ పేర్కొన్నాడు.
కొన్నాళ్ల తర్వాత అర్జున్ రెడ్డి కథ ను పట్టుకుని అల్లు అర్జున్ ను కలిసేందుకు ప్రయత్నించాను. చాలా రోజుల పాటు చేసిన ప్రయత్నాలు విఫలం అయ్యాయి. దాంతో కామన్‌ స్నేహితుల ద్వారా విజయ్ దేవరకొండను సంప్రదించాను. అతడు కథ వినడం, రెండు వారాల్లోనే మొత్తం ఓకే అవ్వడం జరిగిందని సందీప్ వంగ చెప్పుకొచ్చాడు.
విజయ్ దేవరకొండ మరియు సందీప్ వంగ లు ఈ సినిమా ప్రారంభించినప్పటి నుంచి విడుదల చేసే వరకు కూడా చాలా మంది పెద్దగా నమ్మకం పెట్టలేదు. కానీ ఎప్పుడైతే విడుదల అయ్యిందో అప్పుడు నమ్మకం పెట్టని వారు కూడా వీరి పై ప్రశంసలు కురిపించారు. అల్లు అర్జున్ టైమ్ ఇచ్చి అర్జున్ రెడ్డి కథను విని ఉంటే ఓకే చెప్పేవాడో లేదో కానీ విజయ్ దేవరకొండకి మాత్రం బాగా కలిసి వచ్చింది.
