Begin typing your search above and press return to search.
విక్ర‌మ్.. స‌మంత.. యాక్ష‌నే యాక్ష‌ను!
By: Tupaki Desk | 13 Aug 2015 1:42 PM GMTచాలా రోజులుగా స‌మంత ఓ సినిమా గురించి చాలా చెబుతోంది. చెప్ప‌డ‌మే కాదు... ఆ సినిమాపై బోలెడ‌న్ని ఆశ‌లు పెట్టుకొంది. `మ‌నం` త‌ర్వాత స‌మంత‌కి చెప్పుకోద‌గ్గ చిత్రం పడ‌లేదు. `క‌త్తి`, `స‌న్నాఫ్ స‌త్యమూర్తి`లాంటి చిత్రాలొచ్చినా అవి హీరోల ఖాతాలోకి వెళ్లిపోయాయి. అందుకే ఇప్పుడు స‌మంత మ‌ళ్లీ త‌న ప్లేస్‌ ని నిలబెట్టుకోవాలంటే కాస్త న‌ట‌న‌కు ప్రాధాన్య‌మున్న పాత్ర‌లో క‌నిపించాల్సిందే. ఆ అవ‌కాశం విక్ర‌మ్ సినిమాతో దొరికింది. విక్ర‌మ్ క‌థానాయ‌కుడిగా 10 ఎంద్ర‌తుకుల్లా అనే చిత్రం తెర‌కెక్కుతోంది. విజ‌య్‌ మిల్ట‌న్ ద‌ర్శ‌క‌త్వం వ‌హిస్తున్నారు. మురుగ‌దాస్ నిర్మాత. ఈ సినిమా యాక్ష‌న్ బేస్డ్ క‌థ‌తో తెర‌కెక్కిన‌ట్టు స‌మాచారం. ఇందులో స‌మంత కూడా యాక్ష‌న్ చేసింద‌ని తెలుస్తోంది.
యాక్ష‌న్ స‌న్నివేశాల‌కోస‌మ‌ని స‌మంత ప్ర‌త్యేకంగా కొన్ని మార్ష‌ల్ ఆర్ట్స్ కూడా నేర్చుకొన్న‌ట్టు స‌మాచారం. ఆ విష‌యాన్ని ఆమ‌ధ్య ఇండైరెక్టుగా చెప్పింది స‌మంత. ఈరోజే టీజ‌ర్‌ ని విడుద‌ల చేశారు. అందులో అంతా యాక్ష‌నే క‌నిపిస్తోంది. విక్ర‌మ్, స‌మంత క‌లిసి ఎప్పుడూ కార్ లో రేసు చేస్తూనే క‌నిపిస్తుంటారు. మాంచి యాక్ష‌న్ థ్రిల్ల‌ర్‌ గా ఈ సినిమాని తెర‌కెక్కించిన‌ట్టు అర్థ‌మ‌వుతోంది. హై టెక్నిక‌ల్ స్టాండ‌ర్డ్స్‌ తో రూపొందించారు. ఈ చిత్రాన్ని తెలుగులో కూడా విడుద‌ల చేయ‌బోతున్నారు. ఎన్నో ఆశ‌లు పెట్టుకొన్న స‌మంత‌కి ఈ సినిమా ఎలాంటి ఫ‌లితం ఇస్తుందో చూడాలి మ‌రి!!
