సమంత ఘాటు ముద్దుకు రెడీ

సమంతకు పెదవి ముద్దులు కొత్తేమీ కాదు. తొలి సినిమా ‘ఏమాయ చేసావె’లోనే లిప్ కిస్సుల మోత మోగించింది. ఐతే అవి చాలా సున్నితమైన ముద్దులు. అప్పటికి సమంతకు క్రేజ్ కూడా లేదు. స్టార్ హీరోయిన్ గా పేరు తెచ్చుకున్నాక మాత్రం చాలా వరకు పద్ధతిగానే కనిపించింది సమంత. పోయినేడాది సూర్య సినిమా ‘సికిందర్’లో మాత్రం బికినీలో అందాలు ఆరబోసి కుర్రకారుకు గిలిగింతలు పెట్టింది. ఇప్పుడు మరోసారి కుర్రాళ్లను గిచ్చడానికి వస్తున్నట్లుంది సామ్. విక్రమ్ తో కలిసి ఆమె నటించిన ‘10 ఎన్రదుకుల్లా’ మూవీ ట్రైలర్ రిలీజైపోయింది.

ఇందులో సమంత లుక్ చాలా కొత్తగా, రిఫ్రెషింగ్ గా ఉంది. విక్రమ్ తో ఆమె కెమిస్ట్రీ బాగా వర్కవుటైందని ట్రైలర్ చూస్తే అర్థమవుతోంది. ఓ సన్నివేశంలో ఇద్దరూ పెదవి ముద్దుకు దగ్గరవుతున్న షాట్ ఉంది. అంటే సినిమాలో కచ్చితంగా పెదవి ముద్దు ఉండే ఉంటుందని తెలుస్తోంది. ఐతే ఇది ‘ఏమాయ చేసావె’ తరహాలో లైట్ కిస్ అయ్యుండకపోవచ్చు. సినిమా ఫ్లోను బట్టి చూస్తుంటే కొంచెం గట్టిగానే ముద్దు లాగించి ఉండొచ్చు. సినిమాలో ఎంటర్టైన్మెంట్, యాక్షన్ తో పాటు రొమాన్స్ కూడా 10 రెట్లు ఉంటుందని ట్రైలర్ లో చూపించారు. కాబట్టి సమంత రెచ్చిపోయి ఉంటుందని భావించవచ్చు. ఈ నెల 21న తెలుగు, తమిళ భాషల్లో ఈ సినిమా విడుదలవుతోంది.