'101 జిల్లాల అందగాడు' సెకండ్ సాంగ్ విడుదల!

టాలీవుడ్ ఇండస్ట్రీలో 'ఊహలు గుసగుసలాడే' సినిమాతో దర్శకుడుగా మారాడు యాక్టర్ అవసరాల శ్రీనివాస్. అప్పటికే నటుడిగా ప్రూవ్ చేసుకున్న శ్రీనివాస్.. ఈ సినిమాతో దర్శకుడుగా సక్సెస్ అయ్యాడు. ఆ మధ్యలో మరో సినిమా తెరకెక్కించాడు కానీ అంతలా వర్కౌట్ కాలేదు. ప్రస్తుతం మళ్లీ నటుడుగా కంటిన్యూ అవుతున్నాడు. తాజాగా అవసరాల శ్రీనివాస్ హీరోగా రుహాని శర్మ హీరోయిన్ గా తెరకెక్కుతున్న సినిమా '101 జిల్లాల అందగాడు'. ఈ సినిమాకు రాచకొండ విద్యాసాగర్ దర్శకత్వం వహిస్తుండగా కథను అవసరాల శ్రీనివాస్ అందించడం విశేషం. ఈ సినిమాను దిల్ రాజు - డైరెక్టర్ క్రిష్ సమర్పిస్తుండగా.. శిరీష్ - వై రాజీవ్ రెడ్డి - జే సాయిబాబు సంయుక్తంగా సినిమాను నిర్మిస్తున్నారు.

మరి ఇంతమంది ప్రముఖులు సినిమాలో ఇన్వాల్వ్ అయ్యారంటే ఖచ్చితంగా స్ట్రాంగ్ కంటెంట్ ఉండే ఉంటుందని అనిపిస్తుంది. అందుకు ఫస్ట్ లుక్ పోస్టర్ చూస్తే సరిపోతుంది. నిజంగానే ఇందులో హీరో బట్టతలతో కనిపించడం ఆసక్తిరేపుతోంది. అయితే తాజాగా మేకర్స్ ఈ సినిమా నుండి సెకండ్ లిరికల్ సాంగ్ రిలీజ్ చేశారు. 'మనసా వినవా..' అంటూ సాగే ఈ ఫీల్ గుడ్ పాటను శ్రీరామచంద్ర, ధన్య బాలకృష్ణ ఆలపించగా.. భాస్కర భట్ల అద్భుతమైన లిరిక్స్ అందించారు. ఈ పాటలో హీరో హీరోయిన్ ఇద్దరూ కూడా మనస్తాపం చెంది ఎవరికీ వారే లోలోపల బాధపడుతున్నట్లుగా కనిపిస్తుంది. శక్తికాంత్ కార్తీక్ అందించిన ట్యూన్ మెలోడీ ప్రియులకు బాగా నచ్చుతుంది. ఇదిలా ఉండగా మే 7న సినిమా రిలీజ్ అని మేకర్స్ ప్రకటించారు. మరి ప్రస్తుత కోవిడ్ పరిస్థితుల దృష్ట్యా రిలీజ్ డేట్ లో మార్పు జరుగుతుందేమో చూడాలి.