70 రోజుల్లో మరో మైలు రాయి క్రాస్‌ చేసిన రౌడీ స్టార్‌

రౌడీ స్టార్‌ విజయ్‌ దేవరకొండ సినిమాల సక్సెస్‌ తో సంబంధం లేకుండా సోషల్ మీడియాలో అద్బుతమైన రికార్డు స్థాయి ఫాలోవర్స్ ను దక్కించుకుంటూ దూసుకు వెళ్తున్నాడు. సౌత్‌ ఇండియాలో మరే స్టార్‌ హీరోకు కూడా దక్కని ఇన్‌ స్టా ఫాలోవర్స్ ను విజయ్ దేవరకొండ దక్కించుకున్నాడు. రెండు నెలల క్రితమే ఇన్ స్టా లో విజయ్‌ దేవరకొండ 10 మిలియన్‌ ల ఫాలోవర్స్ ను దక్కించుకున్నాడు. కోటి మంది ఫాలోవర్స్ ను దక్కించుకున్న ఏకైక సౌత్‌ హీరోగా విజయ్‌ దేవరకొండ నిలిచాడు. ఆ ఘనత సాధించిన కేవలం 70 రోజుల్లోనే మరో మిలియన్‌ మంది అభిమానంను విజయ్‌ దేవరకొండ దక్కించుకున్నాడు.

విజయ్ దేవరకొండ ప్రస్తుతం 11 మిలియన్ ల ఫాలోవర్స్ ను కలిగి ఉన్నాడు. ఇంత తక్కువ సమయంలో మిలియన్‌ మంది ఫాలోవర్స్ రావడం మామూలు విషయం కాదు. ఈమద్య కాలంలో విజయ్‌ దేవరకొండ నటించిన సినిమా లు ఏమీ కూడా విడుదల కాలేదు. అయినా కూడా కూడా నెటిజన్స్‌ విజయ్‌ దేవరకొండ గురించి తెగ వెదికేస్తున్నట్లుగా అనిపిస్తుంది. విజయ్ దేవరకొండ ఫాలోవర్స్ లో ఎక్కువగా ఉత్తరాది అభిమానులే ఉంటారంటూ మీడియా వర్గాల వారు అభిప్రాయం వ్యక్తం చేస్తున్నారు.

త్వరలో లైగర్ అనే పాన్‌ ఇండియా సినిమా తో విజయ్ దేవరకొండ రాబోతున్నాడు. పూరి దర్శకత్వం వహించిన ఈ సినిమా లో విజయ్‌ దేవరకొండకు జోడీగా అనన్య పాండే హీరోయిన్‌ గా నటిస్తుంది. రౌడీ స్టార్ వరుసగా పాన్ ఇండియా సినిమాలు చేసేందుకు సిద్దంగా ఉన్నారు. బాలీవుడ్ లో రౌడీ స్టార్ సినిమాలు ఒక్కటి హిట్‌ అయినా కూడా ఆయన ఫాలోవర్స్ సంఖ్య మరింతగా పెరగడం ఖాయం.