ముగ్గురు ఖాన్ లను చుట్టేసిన ఆ డజన్‌

బాలీవుడ్ లో ఖాన్ త్రయం గత పాతికేళ్లుగా రాజ్యం చేసేస్తున్నారు. టాప్ హీరోలంటే ముందు వీళ్ల పేర్లే గుర్తుకొస్తాయి. పోటీ అయినా వీరి మధ్యే నడుస్తూ ఉంటుంది. వీరు లేకుండా రేసులోకొచ్చిన ధూమ్ వంటి క్రేజీ మూవీస్ కూడా తిరిగి ఈ ఖాన్ లనే విలన్ లుగా పెట్టుకుని సినిమాలు తీసేసుకోవాల్సిన పరిస్థితి వచ్చింది. మరి ఇలాంటి టాప్ స్టార్స్ తో నటించేందుకు హీరోయిన్స్ ఆరాటపడ్డంలో ఏ మాత్రం ఆశ్చర్యం ఉండదు.

ఇప్పటివరకూ షారూక్ ఖాన్.. సల్మాన్ ఖాన్.. అమీర్ ఖాన్.. ఈ ముగ్గురుతోనూ నటించిన హీరోయిన్స్ సంఖ్య 12. అవును డజన్ మంది హీరోయిన్లు వీరు ముగ్గురుతోనూ కలిసి నటించారు. బాలీవుడ్ టాప్ స్టార్స్ గా వెలగాలంటే.. వీళ్లతో హీరోయిన్ గా చేయడం మెయిన్ క్వాలిఫికేషన్ కదా మరి. అందుకే టాప్ హీరోయిన్ రేసులో వినిపించినోళ్లంతా.. ఖాన్ త్రయంతో ఆడి పాడారు. మాధురీ దీక్షిత్.. కాజోల్.. మనీషా కొయిరాలా.. ప్రీతి జింటా.. రాణి ముఖర్జీ.. సోనాలి బింద్రే.. ట్వింకిల్ ఖన్నా.. కరిష్మా కపూర్.. ఊర్మిలా మండోద్కర్.. లు ఖాన్ లతో కలసి నటించిన గత తరం హీరోయిన్లు.

ఈ జనరేషన్ లో అయితే కరీనా కపూర్.. కత్రినా కైఫ్.. అనుష్క శర్మలు ఇప్పటికే ముగ్గురు ఖాన్ లను చుట్టేశారు. మరి ఈ డజన్ మంది తర్వాత.. లిస్ట్ లో చేరబోయే నెక్ట్స్ భామ ఎవరో?