ట్రైలర్ టాక్: చెర్రీ ఫాదర్ థ్రిల్లర్ అదిరే

రామ్ చరణ్ మూవీ గోవిందుడు అందరివాడేలే చిత్రంలో.. హీరో ఫాదర్ పాత్రలో కనిపించాడు యాక్టర్ రెహమాన్. ఇతను లీడ్ రోల్ లో నటించిన మూవీ 16. గత డిసెంబర్ లో తమిళంలో వచ్చిన ఈ సూపర్ హిట్ అయింది. ఇప్పుడీ సినిమాను తెలుగులో 16 పేరు పైనే డబ్బింగ్ చేసి రిలీజ్ చేస్తున్నారు చదలవాడ బ్రదర్స్.

ఇవాళ ఫిబ్రవరి 16 కావడంతో.. తేదీని మ్యాచ్ చేస్తూ 16 మూవీ థియేట్రికల్ ట్రైలర్ లాంఛ్ చేశారు. ఒక పథకం ప్రకారం చేసిన హత్య.. దాన్ని యాక్సిడెంట్ గా చిత్రీకరించడం.. లాంటి కాన్సెప్ట్ లు చాలానే వచ్చి ఉంటాయ్ కానీ.. 16 మాత్రం సంథింగ్ డిఫరెంట్ గా కనిపిస్తోంది. మొత్తం 16 మంది ఇందులో ఇన్వాల్వ్ అయితే.. మొత్తం ఇన్సిడెంట్ పూర్తవడానికి పట్టే సమయం కూడా 16 గంటలే. ఈ మిస్టరీ ఛేజ్ చేసే ఆఫీసర్ గా రెహమాన్ కనిపించనున్నాడు. ఆద్యంత ఉత్కంఠ కలిగించిన ట్రైలర్.. ఓ ముసుగు మనిషితో ముగుస్తుంది. నీకు తెలిసిన వ్యక్తినే అంటూ కంప్లీట్ చేశారు.

ఎక్కడా చిన్నపాటి క్లూ కూడా ఇవ్వకుండా ట్రైలర్ కట్ చేసిన తీరు సూపర్బ్ అనిపిస్తుంది. తమిళ్ దురువంగల్ పత్తినారు పేరుతో వచ్చిన ఈ చిత్రం బ్లాక్ బస్టర్ అయింది. దర్శకుడు కార్తీక్ నరేన్ కు బోలెడంత గుర్తింపు తెచ్చిపెట్టింది. తెలుగులో మార్చ్ 9న ఈ సినిమా రిలీజ్ కానండగా.. ఇక్కడ కూడా క్లిక్ అయ్యే లక్షణాలు 16లో చాలానే ఉన్నాయని చెప్పాలి.



Like Us on Facebook : https://www.facebook.com/Tupakidotcom/